रामेछाप, १३ साउन । नेपाल शिक्षक संघ रामेछापको नयाँ नेतृत्व चयन भएको छोटो समयमै रचनात्मक काममा अग्रर भएको छ ।
यहि असार ४ गते मन्थलीमा सम्पन्न शिक्षक संघको अधिवेशन पछि नब निर्बाचित भएको रामकृष्ण श्रेष्ठको नेतृत्वको टिमले शिक्षक कल्याण कोषका लागि आबश्यक रकम जुटाउने अभियान सुरु गरेको हो ।
सो अभियान अन्तर्गत हाल सम्म ६ लाख ४९ हजार ४ सय ७६ रुपैया संकलन भईसकेको र असोज सम्ममा यसलाई १० लाख पुरयाएर अक्षय कोष खडा गर्ने योजना अनुरुप आफु लागिपरेको नेपाल शिक्षक संघका अध्यक्ष रामकृष्ण श्रेष्ठले बताउनुभयो ।
उहाका अनुसार– “उक्त रकम मुद्दति खातामा राखि त्यसबाट आएको ब्याजले बिभिन्न दुर्घटनामा परी ज्यान गुमाएका शिक्षकका आफन्तलाई , अंग भंग भएका, प्राण घातक रोग लागेका र भैपरी आउने बिपत्तिका कारण समस्यामा परेका शिक्षकहरुलाई संघ मार्फत सहयोग गरिने छ ।”
सो कोषमा रकम थप्नका लागि शुक्रवार संघकी उपाध्यक्ष लक्ष्मी कार्की ( बुढाथोकी ) ले आफ्नो नामबाट रु १०,०००।– नगद, वुवा स्व. दिप बहादुर कार्की स्मृति प्रतिष्ठान वाट नाति सुमन बिक्रम कार्की र छोरी लक्ष्मी कार्कीले ५० हजार ५ सय रुपैयाको चेक हस्तान्तरण गर्नु भएको थियो ।
यसै बिच सोहि कोषमा जम्मा गर्न शारदा संस्कृत मावि वावियाखर्कका प्रधानाध्यापक नारायण घिमिरेले पनि शुक्रवार नै रु १० हजार सहयोग गर्नु भएको छ । उहाँ नेपाल शिक्षक संघ रामेछापको अर्थ सचिव समेत हुनुहुन्छ ।
यो बारेमा तपाईको प्रतिकृया