मन्थली- रामेछापको सदरमुकाम मन्थली लगायत जिल्लाको विभिन्न ठाउँमा शुक्रबार विहानै देखि पानी पर्न थालेको छ । त्यस्तै जिल्लाको केही उच्च पहाडी क्षेत्रमा हिमपात भएको स्थानीयहरुले बताएका छन् । मन्थली लगायतका क्षेत्रमा केही दिन अघि देखि नै चिसो बढेको थियो ।
विहानै देखि परेको पानीका कारण चिसोले जनजीवन प्रभावित बनेको छ । जिल्लाको उच्च ठाउँ गुम्देलको होचो स्थानमा पानी परेको र उच्च भागहरुमा हिमपात हुन थालेको स्थानीय पेम्बा शेर्पाले बताउनुभयो ।
विहानै देखि पानी पर्न थलेपछि स्थानीयले केही काम गर्न नसकेको उहाँले बताउनुभयो । शुक्रबार विहानै देखि भएको वर्षा आइतबार सम्म लम्बिन सक्ने मौसम पूर्वानुमान महाशाखाले जनाएको छ ।
यो बारेमा तपाईको प्रतिकृया