२९ बैशाख, २०७६
सुनापती– रामेछापको सुनापती गाउँपालिका वडा नम्बर १ गुन्सीको सिम्पानीमा शिव मन्दिर बनेको छ । गुन्सीको अन्य ठाउँहरुमा विभिन्न देवताको मन्दिर भए पनि सिम्पानीमा मन्दिर नहुँदा स्थानीयहरु पुजा गर्नको लागि अन्य ठाउँमा जानु पर्ने बाध्यता भए पछि टाढा जानु पर्ने बध्यता हटाउनको लागि गुन्सीका स्थानीय र विभिन्न सहयोगी व्यक्तिहरुको सहयोगमा मन्दिर बनेको हो ।
२०७५ माघ ५ गते देखि बनाउन सुरु गरिएको शिव मन्दिरको काम भर्खरै सम्पन्न भएको थियो । मन्दिरको सबै काम सम्पन्न भए पछि शनिबार एक कार्यक्रमको आयोजना गरि नेपाली काग्रेसका नेता प्रकाशमान सिंहले मन्दिर उद्घाटन गरेका छन् । मन्दिर उद्घाटन गर्दै संघिय सांसद समेत रहेका नेता सिंहले अहिले सरकारकै कारण धार्मिक असहिष्णुता बढ्दै गएकाले विभिन्न घटनाबहरु पनि बृद्धि हुँदै गएको बताए । नेता सिंहले अहिलेको सरकारले विकासको नाममा नारा बाहेक जनातालाई केही पनि दिन नसकेको बताए । अहिलेको सरकार बलियो भए पनि सरकार सञ्चालन गर्ने ब्यक्ति योग्य नुहँदा विकासले गति लिन नसकेको उनको आरोप रहेको छ ।
शिवालय मन्दिर विकास समितिका अध्यक्ष होमनाथ गौतम (कमल) को अध्यक्षतामा भएको कार्यक्रममा नेपाली काग्रेस रामेछापका पूर्व पार्टी सभापति रामचन्द्र खड्का, महाधिबेसन प्रतिनिधिहरु अर्जुन के.सी., कृष्ण महत, भरत प्रसाद चौलागाँई, विनिता खड्का, नेपाली काग्रेस रामेछापका सहसचिब सुबास घिसिङ, काग्रेस नेता युवराज भट्टराई, मुक्त बहादुर महते, झप्पडराज भण्डारी, उमाकुण्ड गाउँपालिकाकी उप–प्रमुख उर्मिला कार्की लगाएतले बोलेका थिए ।
शिवालय मन्दिर विकास समिति गुन्सीले स्थानीयबाट आर्थिक संकलन गरि २५ लाख रुपैयाँ बराबरको लागतमा शिवालय मन्दिर निर्माण गरेको हो । मन्दिर निर्माणका लागि सहयोग गर्ने समाजसेवी भरत चौलागाई लगाएतलाई समितिले दोसल्ला ओढाएर प्रसंसा पत्रले सम्मान गरेको थियो ।
यो बारेमा तपाईको प्रतिकृया