रामेछाप,२० असार । नेपाली काँग्रेसका केन्द्रीय सदस्य रामहरी खतिवडाले यहि कार्तिक मसान्त वा मंसिरको पहिलो हप्ता सम्ममा संघिय र प्रदेशको संसदिय चुनावा हुने बताउनुभएको छ ।
सो कुरा उहाले नेपाल प्रेस युनियन रामेछापले सोमवार मन्थलीमा आयोजना गरेको पत्रकार भेटघाटका क्रममा बताउनु भएको हो ।
उहाले अब हुने चुनाबमा प्रत्यक्ष तर्फको १ सय ६५ सिट मध्ये नेपाली काँग्रेसले कम्तीमा पनि १ सय १० सिट जितेर बहुमतको सरकार वनाउने दावी गर्नु भयो । उहाले भन्नु भयो– “जहा–जहा एक्ला एक्लै उठ्दा काँग्रेसले जित्छ त्याहा काँग्रेस एक्लै उठ्ने जहा गठबन्धन गर्न आबश्यक हुन्छ त्याहा मात्र गठबन्धन हुन्छ ।”
सो अबसरमा पत्रकारहरुले राखेको स्थानीय चुनावमा काग्रेसले गठबन्धन मा धोका दिएको आरोप प्रचण्ड ले लगाइरहेका छन नि भन्ने जिज्ञासाको उत्तर दिदै खतिवडाले भन्नुभयो– “यी सब गलत कुरा हुन, यदि काँग्रेसले धोका दिएको भए पोखरा र चितवन महानगरपालिकामा समाजवादी र माओवादीका उमेद्वारहरुले कुनै हालतमा जित्दैन थिए । हाम्रा कार्यकर्ताहरु इमान्दार भएर मात्र उनीहरुले जितेका हुन ।”
सो अबसरमा बोल्दै अर्का केन्द्रीय सदस्य नैन सिंङ महरले अब यो महिनाको अन्तिम हप्ता काँग्रेस केन्द्रीय समितिको बैठक हुने र त्यस बैठकमा स्थानीय चुनावको समिक्षा गरी अगाडि बढने बताउनुभयो ।
पत्रकारहरुले राखेको नेविसंघ लगाएत अन्य भातृ संगठनहरुको कार्यकाल सकिएको लामो समय भइसक्दा पनि किन अधिबेशन हुन नसकेको भन्ने जिज्ञासामा उहाले भन्नुभयो– “संभवत अब को संसदिय निर्बाचन पछि सबै भातृ संगठनको अधिबेशन हुन्छ यो कुरा हामी केन्द्रीय समितिमा जोडदार रुपमा उठाउने छौ ।”
यो बारेमा तपाईको प्रतिकृया