मन्थली,४ माघ । यही फागनु २१ गते हुने प्रतिनिधि सभाको निर्वाचन नजिकिदै गर्दा मुख्य निर्वाचन अधिकृतको कार्यालय रामेछापले आइतवार जिल्ला निर्वाचन कार्यालय सँगको सहकार्यमा निर्वाचन आचार संहिता– २०८२ सम्बन्धि अन्तरकृया एबं छलफल कार्यक्रम सम्पन्न गरेको छ ।
जिल्ला न्यायधिस एबं मुख्य निर्वाचन अधिकारी राजेन्द्र नेपालको अध्यक्षतामा भएको उक्त कार्यक्रममा निर्वाचन आचार संहिता –२०८२ का बारेमा जिल्ला निर्वाचन अधिकारी नारायण लाममिछानेले जानकारी गराउनु भएको थियो ।
प्रमुख जिल्ला अधिकारी, जिल्लास्थित राजनैतिक दलका प्रतिनिधिहरू, सुरक्षा निकाएका प्रमुख एबं प्रतिनिधिहरू र सञ्चार कर्मीहरूको उपस्थिति रहेको उक्त कार्यक्रममा बोल्ने राजनैतिक दलहरुले निर्वाचन आचारसंहिता पूर्ण रुपमा कार्यन्वयन हुने भन्दै केही ब्यवहारिक पाटोलाई भने लचकता गरिदिनुपर्ने बताएका छन ।
तर कार्यक्रममा सहभागि पत्रकारहरुले भने विगतका चुनवी वर्षहरुमा पनि आचार संहिता संम्बन्धि छलफल हुने गरेको तर आचार संहिता उलंङ्घन गर्ने दल वा समुहलाई कुनै कारर्वाही नभएकोले यस पटकको आचार संहिता पालना हुनेमा पनि शंका ब्यक्त गरेका छन् ।
कार्यक्रममा बोल्दै प्रमुख जिल्ला अधिकारी श्याम कृष्ण थापाले जिल्लाको शान्ति सुरक्षा निर्वाचन अबधिभरका लागि मजबुद बनाइएको र आबश्यक परेको खण्डमा तर्जूमा गरी तयारी हालतमा राखिएको सुरक्षा रणनितिको पनि कार्यान्वय गरिने बताउनुभयो ।
यो बारेमा तपाईको प्रतिकृया