पिङ्खुरीबाट एमाले पुर्व वडा अध्यक्ष सहितका नेता कार्यकर्ता काँग्रेसमा प्रवेश

रामेछाप २५ माघ । नेपाली काँग्रेस रामेछापले आफनो निर्वाचन अभियानलाई गाउँ केन्द्रित बनाई रहँदा खाँडादेवी गाउँपालिकाको वडा नँ –९ पिङ्खुरीमा नेकपा (एमाले)का पुर्व वडा अध्यक्ष लगायतका नेता तथा कार्यकर्ताहरु ठुलो सँख्यामा नेपाली काँगेसमा प्रवेश गरेका छन् । आईतबार भएको चुनावी सभामा एमाले पूर्व वडा अध्यक्ष सुवास भण्डारीको नेतृत्वमा करिब ४० जना एमाले कार्यकर्ता एमाले पार्टि परित्याग गरि नेपाली कांग्रेसमा समाहित भएका हुन्।
कांग्रेसका प्रतिनिधिसभा सदस्यका उम्मेदवार रामचन्द्र खड्काको चुनावी प्रचार तथा घरदैलो कार्यक्रमका क्रममा आइतबार आयोजित भेटघाट कार्यक्रममा उनीहरू पार्टी प्रवेश गरेका हुन्। ने
नवप्रवेशीहरूलाई प्रतिनिधिसभा सदस्यका उम्मेदवार रामचन्द्र खड्काका, पार्टीका कार्यवाहक जिल्ला सभापति नवराज थोकरलगायतका नेताहरुले खादा र माला लगाएरु पार्टिमा स्वागत गर्नु भएको थियो । र्् पार्टि प्रवेश कार्यक्रमा नेताहरूले पार्टी प्रवेशले खाँडादेवी क्षेत्रमा कांग्रेसको निर्वाचन अभियान थप मजबुत बनेकाले नेपाली काँग्रेलाई निर्वाचन जित्नका लागि सहज हुने धारणा राखेका थिए । यसअघि पनि मन्थली नगरपालिका–१३ फुलासीबाट पनि एमालेका एक प्रभावशाली कार्यकर्ता पनि कांग्रेसमा प्रवेश गरिसकेका छन्।
परिवर्तित समयमा काँग्रृेस पार्टिमा नयाँ नेतृत्व आए सँगै यसको बढ्दो लहरले नेपाली काँग्रसलाई फागुन २१ मा हुने निर्वाचन जित्नका लागि सहज वातावरण बन्दै गएको अभियानमा सहभागि नेपाली काँग्रेसका युवा नेता भरत चौलागाईले बताउनु भयो । उहाँले भन्नु भयो रामेछापमा नेपाली काँग्रेसल निर्वाचन जित्ने कुरामा कसैको पनि दुईमत नरहेको पनि नेता चौलागाईले दावि गर्नु भयो ।