रामेछाप २६ जेठ । साहारा बचत तथा ऋण सहकारी सँस्थाले सगरमाथाको सफल आरोहण गर्न सफल मन्थली नगरपालिका–६, भलुवाजोर निवासी धानु कुमार श्रेष्ठलाई सम्मान गरेको छ । सँस्थाका शेयर सदस्य समेत रहेका २५ बर्षिय आरोहि यूवा श्रेष्ठलाई सँस्थाले एक औपचारीक कार्यक्रमका विच मँगलबार आफनै कार्यालय परिसरमा बोलाएर सम्मान गरेको हो ।
उहाँलाई जिल्ला सहकारी सँस्थाका अध्यक्ष हिमाल ढुंगेल र साहारा साकोशका अध्यक्ष शिवराज श्रेष्ठले सयुक्त रुपमा दोसल्ल्ला र सम्मान पत्रद्वारा सम्मान गर्नु भएको हो । सो अवसरमा सँस्थाका अध्यक्ष शिवराज श्रेष्ठले युवा आरोही श्रेष्ठलाई बधाई दिँदै श्रेष्ठको सफलताले साहारा साकोसको मात्र नभएर जिल्लाको पर्यटन प्रवद्र्धनमा समेत उल्ल्लेखनिय टेवा पुगेको बताए ।
त्यस्तै जिल्ला सहकारी संघका अध्यक्ष हिमाल ढुँगेलले आराेही श्रेष्ठलाइ बधाई दिँदै थप प्रगतिको कामना व्यक्त गरे । अध्यक्ष ढुङ्गेलले युवा श्रेष्ठले गरेको आरोहीले जिल्लाको नाम उचो भएकोमा खुसी व्यक्त गर्दै युवाहरुले चाहेमा जस्तो सुकै विषयमा सफल हुन सक्ने विश्वास व्यक्त गरे ।
सो क्रममा सँस्थाका सल्लाहकार बद्री नयाँघरे,नेपाल पत्रकार महासँघका अध्यक्ष दिपक घिमिरे र सँस्थाका ब्यवस्थापक बलराम लामा लगायतले पनि आरोहि युवाको सफलतालाई जिल्लाको सफलता सँगै जोड्दै शुभकामना दिनु भएको थियो ।
सम्मान कार्यक्रममा सफल युवा आरोहिका पीता टंक कुमार श्रेष्ठ र माता जीको समेत सहभागिता रहेको थियो । आरोहि श्रेष्ठलाई यस केहि दिन अघी मन्थली नगरपालिका र तामाकोशी मरिण एड्भेन्चर प्रा.लि.लगाएतका आधा दर्जन सँस्थाहरुले सम्मान गरिसकेका छन् ।
यो बारेमा तपाईको प्रतिकृया