रामेछाप,२२ कार्तिक । मंसिर ४ गते हुने प्रतिनिधि सभा र प्रदेश सभा निर्वाचनका लागि आ आफ्नो पक्षमा मात माग्दै हिडेका नेताहरुलाई गठबन्धन कसिलो बनाउनुपर्ने सन्देश दिएका छन् ।
दोरम्वा गाँउपालिकाको वडा नं–५ गुन्सालमा पुगेका गठबन्धनका दुवैजना उमेद्वारहरुलाई एउटै माल लगाईदिएर गठबन्धनलाई थप कसिलो वनाउने सन्देश दिएका हुन् ।
स्थानीयले प्रतिनिधि सभाका उमेद्वार पूर्ण बहादुर तामाङ र प्रदेश सभा “ख” का उमेद्वार युवराज चौलागाँई लाई सयपत्रीको माला र खादाले पुरिदिएका थिए ।
कार्यक्रमका अबसरमा बोल्दै प्रतिनिधि सभा का उमेद्वार पूर्ण बहादुर तामाङ कान्छारामले गठबन्धनको जितले मात्र रामेछापको विकास हुने वताउनुभयो । उहाले भन्नु भयो तपाइहरुले मलाई जति भोट दिनुहुन्छ त्यो भन्दा बढि भोट युवाराज चौलागाँई लाई दिनुस मैले मात्र जितेर हुदैन उहाले पनि जित्नुभयो भने मात्र प्रदेश र केन्द्रको धेरै बजेट ल्याए बिकास निर्माणका कामहरु गर्न सकिन्छ ।
सो अवसरमा बोल्दै प्रदेश सभा “ख” का उमेद्वार युवराज चौलागाँईले आफु पनि यहि वडाको भन्दै आफु र विकास प्रेमी नेता कान्छाराम दाई लाई जिताउन अनुरोध गर्नुभयो । उहाले भन्नुभयो–“मैले रामेछापको भुगोल राम्रो सँग बुझेको छु ,कुन ठाउमा कस्तो विकास आबश्यक छ सबै कुरा थाहा छ एकपटक हामिलाई जिताएर हेर्नुस रामेछाप कस्तो हुने रैछ ।”
कार्यक्रमका अवसरमा माओवादीका जिल्ला नेता श्यामकुमार श्रेष्ठ, काँग्रेसका पूर्ब सभापति रामचन्द्र खड्का,समानुपातिक उमेद्वार मुक्त बहादुर महते, उज्जल राम घिमिरे, लगाएतले आ आफ्नो मन्तब्य राख्नु भएको थियो ।कार्यक्रमका अबसरमा स्थानीय धामीझाक्री नाच समेत प्रदर्शन गरिएको थियो ।
यो बारेमा तपाईको प्रतिकृया