रामेछाप ७ फागुन । शुक्रबारदेखि रामेछाप नगरमा सुरु भएको पाँचौँ रास्ट्रपति रनिङ शिल्ड प्रतियोगितामा रनिङ शिल्डको उपाधि गौरीशंकर माध्यमिक विद्यालयले चुमेको छ । । “स्वास्थ्यका लागी खेलकुद , राष्टका लागी खेलकुद ” भन्ने मुल नाराका साथ रामेछाप नगर भित्रका १३ वटा माध्यमिक विद्यालयले विच भएको तीन दिने खेलका सहभागी विद्यालय मध्य प्रतिस्पर्धाका आधारमा सबैलाई पछि पार्दे गौरीशंकर माध्यमिक विद्यालय उपाधि सहित प्रथम हुन सफल भएको छ ।
शुक्रबार बाट आरम्भ भई आईतबार सम्म चलेको उक्त प्रतियोगितामा बाकि सहभागि विद्यालयलाई पछि पार्दै गौरीशंकरले ३८ स्वर्ण, २९ रजत र १४ कास्य पदक प्राप्त गर्न सफल भएको थियो । प्रतियोगितामा जनता मावि कोलन्जोरले ५ स्वर्ण, ४ रजत र ६ कास्य पदक सहित द्धितिय स्थान प्राप्त गर्न सफल भएको थियो । प्रतियोगितामा रामेछाप नगरपालिका ४ मा रहेको रेणुकादेबी माविले ३ स्वर्ण, ४ रजत र ४ कास्य पदक सहित तृतिय स्थान ओगट्न सफल भएको रामेछाप नगरपालिकाले जनाएको छ ।
रामेछाप नगरपालिकाको वडा नं ८ स्थित टुँडिखेल मैदानमा भएको उक्त प्रतियोगिता भलिबल, कबडी, एथ्लेटिक्स , छात्र÷छात्रा रिले दौड , तेक्वान्दो , हाईजम्प, लङजम्प, त्रीपलजम्प, ज्याभलिङ थ्रो, सटपुट लगायतका खेलहरुमा प्रतिस्पर्धा गराईएको थियो ।
प्रतियोगिताका विजयी टीम ,खेलाडी तथा विद्यालयलाई कार्यक्रमका प्रमुख अतिथि एवं रामेछाप नगरपालिकाका प्रमुख लबश्री न्यौपानेले शिल्ड, मेडल र प्रमाणपत्र प्रदान गर्नु हुँदै प्रतियोगितामा विजयी खेलाडी र सहभागि सबै विद्यालयहरुलाई धन्यवाद दिनु हुँदै खेलकुदको विकासका लागि नगरले अझै काम गर्नु पर्नै धारणा राख्नु भएको थियो । समापन तथा पुरस्कार वितरण कार्यक्रममा रामेछाप नगरपालिकाकि उप –प्रमुख कुमारी कार्की, वडाअध्यक्ष नगर खेलकुद विकास समिति विद्यालय र विद्यार्थिहरु पनि सहभागि भएका थिए ।
यो बारेमा तपाईको प्रतिकृया