रामेछाप,२८ चैत । मन्थली नगरपालिकाले आफना नगर भित्र रहेका महिलाहरुलाई स्वरोजगार बनाउने उदेश्यका साथ एक महिने सीप तथा व्यावसायिक विकास सम्बन्धित तालिम दिलाएको छ । नगरले एक महिने सूचना प्रकाशन गरि आवेदन लिएर प्राप्त निवेदनका आधारमा २० जना महिलाहरुलाई उक्त तालिम उपलब्ध गराएको हो ।
सोमबार मन्थली नगरपालिकाका प्रमुख लव श्रेष्ठले तालिमको समापन गर्दै सहभागि महिलाहरुलाई प्रमाणपत्र प्रदान गर्नु भएको थियो । तालिम समापन कार्यक्रमलाई सम्बोधन गर्दै नगरप्रमुख श्रेष्ठले सहभागिहरुलाई सिकेको सिपलाई व्यवहारमा प्रयोग गर्दे स्वरोजगारि सृजनागर्न आग्रह गरे । प्रमुख श्रेष्ठले यो तालिम सिकेका २० जनाले व्यावसायिक तर्फ अगाडि बढाएर आय आर्जन बढाउनु पर्नेमा जोड् दिए । साथै उनले सिकेको सिपलाई व्यावसायिक बन्नेहरूलाई नगरपालिकाले प्रति व्यक्ति रु १० हजारका दरले आर्थिक सहयोग प्रदान गर्ने घोषणा पनि गरे । उनले सिकेको सिपलाई प्रयोगमा ल्याउनु पर्नेमा जोड् दिँदै ब्यवसायीक रुपमा उठ्न चाहने सहभागि हरुको उत्पादित सामानलाई बजारीकरणको लागि पनि नगरले सहयोग गर्ने उनले बताए ।
कार्यक्रममा उप –प्रमुख ईश्वरी बस्नेतले महिलाहरूलाई स्वरोजगार बनाउनका लागि नगरपालिका सहयोग गर्न तयार रहेको बताईन् र्। ु पर्नेमा जोड् दिँदै आगामी दिनमा पनि यस्ता कार्यक्रम माग भए र उपलब्धि मूलक देखिए निरन्तरता दिने बताइन् ।
सो अवसरमा प्रमुख प्रशासकीय अधिकृत हरिप्रसाद चापागाईँले तालीमको सान्दर्भिकता र महत्व वुझन सके त्यसले नगरको लक्ष्य प्राप्ती हुनुका साथै महिलाहरुको सिप विकासमा पनि सहज हुने बताए । उनले सिकाइएको सिप समय अनुसार र बजार अनुसारको हुनु पर्नेमा जोड् दिँदै स्थानीय पहिचान झल्काउने खालको सामाग्रि उत्पादन गर्नका लागि पनि सहभागिहरु संग आग्रह गरे ।
समापन कार्यक्रममा महिलाहरूले तालिमका क्रममा तयार पारेका रुमाल जाली, टोपी, स्वीटर गलबन्दी मोजा लगायतका सामाग्रि पनि प्रर्दशनमा राखिएको थियो ।
यो बारेमा तपाईको प्रतिकृया