ग्रामीण बचतको नाफा २ लाख

मन्थली,२३ मंसिर । ग्रामीण बचत तथा ऋण सहकारी संस्था लिमिटेड मन्थलीले गत आ.ब. २०७९÷८० मा २ लाख १३ हजार ४ सय ७६ रुपैया नाफा कमाएको छ ।
मन्थलीमा शनिवार सम्पन्न उक्त सहकारी संस्थाको तेह्रौ बार्षिक साधारण सभा एबं चौथो जिल्ला अधिबेशनका अवसरमा संस्थाकी ब्यवस्थापक मुना खड्काले उक्त कुराको जानकारी गराउनु भएको हो ।
सो अवसरमा उहाले आर्थिक प्रतिवेदन प्रस्तुत गर्दै १ हजार १ सय ६४ जना शेयर सदस्यवाट संकलन भएको निक्षेप १ करोड, ९७ लाख ५१ हजार ७५ रुपैया मध्ये १ करोड ८३ लाख ८० हजार ६ सय ९८ रुपैया ऋण लगानी गरी सबै खर्च कटाएर सहकारीले उक्त रकम खुद नाफा कमाएको बताउनुभयो ।

सो अवसरमा बोल्दै संस्थाका सचिब दिपक केशीले संस्थाको सांगठनिक अबस्था को वारेमा जानकारी गराउनु भएको थियो । उहाले संस्थाको परिमार्जित विनियमावली को वारेमा जानकारी गराउँदै चालु आ ब मा २ सय २६ जना शेयर सदस्य बृद्धि गरी कुल १ हजार ४ सय शेयर सदस्य बाट संकलन भएको निक्षेप २ करोड ४७ लाख ५१ हजार ७५ रुपैया लाई परिचालन गरी ५ लाख रुपैया नाफा कमाउने लक्ष रहेको समेत जानकारी गराउनुभयो ।
संस्थाका अध्यक्ष जिवन श्रेष्ठको अध्यक्षतामा सम्पन्न उक्त साधारण सभाको उद्घाटन मन्थली नगर प्रमुख लव श्रेष्ठले गर्नु भएको थियो ।

कार्यक्रमको उद्घाटन गदै उहाले शेयर सदस्यहरुले लगेको ऋण उत्पादन मुलक क्षेत्रमा खर्च गनुपर्ने बताउनुभयो । उहाले नगर क्षेत्र भित्र रहेको सहकारीहरुलाई ब्यवस्थीत गरी परिचालन गर्ने नगरको योजना रहेको पनि बताउनुभयो ।
कार्यक्रमका अबसरमा खाँडादेवी गाउपालिका वडा नं ४ का वडा अध्यक्ष कृष्ण प्रसाद पौडेलले सहकारीहरुलाई ब्यवस्थीत नवनाउने हो भने यिनीहरुले बिकृति फैलाउने भएकोले सहकारीहरुको कुशल ब्यवस्थापन को खाँचो भएको औल्याउनुभयो ।
सो अबसरमा वोल्दै नेपाल पत्रकार महासंघ वागमती प्रदेशका कोषाध्यक्ष रमेश ढुंगेलले काठमाण्डौ तिरका केहि सहकारीहरु भागेको भन्ने समाचाहरु आइरहेको भएपनि यहाका सहकारीहरु कुनै हालतमा भाग्न नसक्ने भएकाले ढुक्क भएर कारोवार गर्न शेयर सदस्यहरुलाई अनुरोध गर्नुभयो । उहाले यस सहकाीको सञ्चारकर्मी हरु सँग पर्याप्त समन्यको खाँचो रहेको बताउनुभयो ।
कार्यक्रमका अबसरमा बोल्दै नेफ्स्कुन फिल्ड कार्यालय मन्थलीका कार्यालय प्रमुख सूर्य थापाले सहकारीहरु नीति र बिधि वाहिर गएर चल्न नहुने भन्दै कानून विपरित चल्न खोज्ने सहकारीहरुलाई राज्यले कानूनि कठघरामा ल्याउने भएकोले सबै सहकारीहरु सजग रहनु आजको अबश्यकता भएको बताउनुभयो ।
सहकारीको बन्द सत्रले संस्थाको आर्थिक तथा सांगठनिक प्रतिवेदन पास गर्नुका साथै जीवन श्रेष्ठको अध्यक्षतामा १३ सदस्यीय कार्यसमिति निर्विरोध निर्वाचित गरेको छ ।

यसरी नवगठित समितिमा रहनेहरुमा उपाध्यक्ष, सचिव र कोषाध्यक्षमा क्रमशः मन्जु उप्रेती, पवन कठायत, उत्तर बहादुर भण्डारी रहनु भएको छ भने सदस्यहरुमा मेनुका महत, संगिता अधिकारी, विष्णु कुमार बोहोरा, प्रकाश न्यौपाने,सन्तोष पौडेल रहनु भएको छ । त्यसैगरी लेखा समितिको संयोजकमा निरज कुमार श्रेठ रहनु भएको छ भने सदस्यहरुमा जीत वहादुर तामाङ र सम्झना श्रेष्ठ रहनु भएको छ । त्यसैगरी शिक्षा उपसमितिको संयोजकमा विगु शाह सोनार निर्वाचित हुनु भएको छ ।