मन्थली,१० पुष । “मन्थली सामुदायिक खानेपानीको शान, सफा र स्वच्छ पानी हाम्रो अभियान” भन्ने मूल नाराका साथ मन्थली सामुदायिक खानेपानी उपभोक्ता तथा सरसफाई समितिको २२ औं साधारण सभा बुधवार मन्थलीमा सम्पन्न भएको छ ।
समितिका अध्यक्ष पूर्ण सुबेदीको अध्यक्षतामा सम्पन्न उक्त कार्यक्रमको उद्घाटन मन्थली नगर प्रमुख लव श्रेष्ठले गर्नु भएको थियो ।
कार्यक्रमका अवसरमा बोल्दै नगर प्रमुख श्रेष्ठले लिफ्ट खानेपानी को मर्मत संहार निक्कै कठिन र चुनौतिपूण हुने भएकोले त्यस तर्फ सजग रहन आग्रह गर्नुभयो । उहाँले यो समितिले आत्मसाथ गरेको नारालाई सार्थक तुल्याउन सके मात्र पनि खानेपानीको क्षेत्रमा प्रभावकारी काम भएको मान्न सकिने पनि बताउनुभयो ।
कार्यक्रममा नेपाल पत्रकार महासंघ रामेछापका अध्यक्ष दिपक घिमिरे, रामेछाउ उद्योग बाणिज्य संघका अध्यक्ष नविन कुमार थापा मगर, भ्रष्टाचार विरुद्धको अभियान्ता यम बहादुर थापा, जिल्ला वचत संघका अध्यक्ष जगन्नाथ दाहाल लगाएतले आ आफ्नो मन्तब्य राख्नु भएको थियो ।
साधारण सभाका अवसरमा विगत ९ बर्षदेखि समितिमा इमान्दार र लगनसिल ढंगबाट काम गरेको भन्दै कार्यालय सहयोगी डुका बहादुर (केदार) खत्रीलाई नगद रु ५ हजार सहित प्रसंसा पत्रले सम्मान गरिएको थियो ।
साधारण सभाले यस अघि १५ हजार लिटर सम्म मासिक रुपमा लिइदै आएको न्यूनतम पानीको महसुल लाई पाच सय बाट घटाएर ४ सय मा झारेको छ भने, बिधान संसोधन, मानव संसाधन नियमावली र निर्वाचन नियमावली समेत अनुमोदन गरेको छ ।
त्यसैगरी साधारण सभाले सचिब ढाकल थापा द्वारा प्रस्तुत आगामी वर्षको कार्य योजना सहितको सांगठनिक प्रतिबेदन र कोषाध्यक्ष कृष्ण बस्नेत द्वारा प्रस्तुत गत आर्थिक वर्षको दुई करोड दश लाख पचास हजार नौ यस नौ रुपैया बराबरको आर्थिक प्रतिबेदन समेत पास गरेको छ ।
यो बारेमा तपाईको प्रतिकृया