मन्थली, १९ जेठ । रामेछापको मन्थलीमा पत्रकारहरुका लागि १ दिने आँखा परिक्षण शिविर साेमवार सम्पन्न भएको छ ।
नेपाल प्रेस यूनियनले आफ्नो ३४ औं स्थापना दिवस सप्ताहब्यापी रुपमा मनाउने क्रममा अाज रामेछाप शाखाले रामेछाप सामुदायिक आँखा अस्पाताल मन्थली सँगकाे समन्वयमा उक्त शिविर सञ्चालन गरेको हो ।
शिविरमा जिल्लाका २८ जना भन्दा बढि पत्रकारहरुको को आँखा परिक्षण गरिएको नेपाल प्रेस युनियन रामेछापकी अध्यक्ष ज्ञानु श्रेष्ठले बताउनुभयो । उहाँका अनुसार ति मध्ये २५ जनालाई निःशुल्क चश्मा समेत वितरण गरिएको थियो ।
सोही अवसर पारेर यस अघि नेपाल प्रेस युनियनले रामेछापका विभिन्न अस्पतालहरुमा रहेका विरामीहरुलाई फलफुल बितरण गर्नुका साथै दीप प्रज्वलन र लोकतन्त्रमा प्रेसको भूमिका विषयक अन्तरकृयाको समेत आयोजना गरिएको थियो ।
यो बारेमा तपाईको प्रतिकृया