मन्थली , २६ असोज । रामेछाप जिल्लाको रामेछाप नगरपालिकाको गत आर्थिक वर्ष २०८१÷८२ मा कुल बजेटको ८३.0७ प्रतिशत मात्र वजेट खर्च भएको छ ।
सो कुरा आइतवार रामेछाप नगरपालिकाले आयोजना गरेको आ ब २०८१÷८२को बार्षिक समिक्षा कार्यक्रमका अवसरमा प्रमुख प्रशासकिय अधिकृत भोला प्रसाद चापागाँइले सार्वजनिक गर्नु भएको हो ।
उहाँले रामेछाप नगरपालिकामा चालु तर्फको रु ४४ करोड १८ लाख ५ हजार ८ सय ७६ र पूजिगत तर्फ प्राप्त १९ करोड, ६९ लाख ५५ हजार ९ सय ६८ रुपैया गरी कुल ६३ करोड ८७ लाख , ६१ हजार ८ सय ४५ रुपैया मध्ये उक्त रकम मात्र खर्च हुन सकेको पनि कार्यक्रमका आवसरमा बताउनुभयो ।
सो अवसरमा नरपालिकामा रहेका सामाजिक विकास, शुसासन तथा संस्थागत विकास र पुर्वाधार विकास शाखा अन्तर्गतका कार्यक्रमहरु छुट्टा छुट्टै रुपमा प्रस्तुति गरिएको थियो ।
प्रस्तुति गर्ने शाखाका प्राय धेरै शाखा प्रमुखहरुले योजना सम्झौता ढिला हुने, असार मसान्तमा मात्र काम सक्नु पर्छ भन्ने मान्यता कायम रहने गरेका कारण केही सूचकहरुमा लक्ष अनुसारको प्रगति हुन नसकेको बताएका थिए ।
सो अवसरमा बोल्ने अधिकांस बक्ताहरुले कागजी उपलब्धि भन्दा वास्तविक उपलब्धिलाई जोड दिन आग्रह गरेका छन् ।
रामेछाप नगर प्रमुख लव श्री न्यौपानेको अध्यक्षता एबं जिल्ला समन्वय समितिकी प्रमुख चिना (खड्का) कार्की को प्रमुख आतिथ्यतामा उक्त कार्यक्रम सम्पन्न भएको हो ।
यो बारेमा तपाईको प्रतिकृया