मन्थली,१० पुष । मन्थली सामुदायिक खानेपानी उपभोक्ता तथा सरसाफाई समितिको विहीवार मन्थलीमा सम्पन्न २३ औं साधारण सभा एबं आठौं अधिबेशनले पुर्ण सुबेदीलाई पुनः दोस्रो कार्यकालको लागि अध्यक्ष पदमा निर्बिरोध चयन गरेको छ ।
यसरी निर्विरोध निर्बाचित हुने अन्य पदाधिकारीहरुमा उपाध्यक्ष, महासचिब र सचिबमा क्रमशः यम बहादुर बुढाथोकी, ढाकल थापा र शान्ता कुमारी न्यौपाने सुवेदी रहनुभएको छ । त्यसैगरी एरिया नं २,३,४,५,६,७ का सदस्यहरु क्रमशः दामोदर घिमिरे, डेक बहादुर श्रेष्ठ, दिपक भट्ट, श्याम कुमार श्रेष्ठ , शंकर बहादुर थापा र राम कुमार श्रेष्ठ पनि निर्बिरोध निर्बाचित हुनु भएको हो । त्यस्तैगरी लेखा समितिको सदस्यहरुमा रामचन्द्र अधिकारी र निलराज जैशी पनि निर्विरोध निर्वाचित हुनु निवाचन संयोजक लक्ष्मण भुजेलले बताउनुभयो ।
पदाधिकारीहरु मध्ये कोषाध्यक्षमा कुमार घिमिरे र हरिशरण सुबेदी साथै लेखा समितिको संयोजकमा कृष्ण बस्नेत र दिपक राज दाहालको उमेद्वारी परेको छ ।
त्यसैगरी एरिया नं १ को १ जना सदस्यका लागि बिजय सुबेदी, युवराज सुबेदी हेमन्त पौडेल , अम्बिका प्रासद काफ्ले , दिनेश सुबेदी, को उमेद्वारी परेको छ भने ३ जना खुल्ला महिला पदका लागि भने कबिता श्रेष्ठ, बिनिता काफ्ले, जयन्ती खड्का, रीता आचार्य, कोपिला कार्की, र पबित्रा सापकोटा गरी ६ जनाको उमेद्वारी परेको छ । निर्बान समितिले शुक्रवार सम्मका दावी विरोध र नाम फिर्ता लिने समय तोकेको छ यदि सर्बसम्बत हुन नसके शनिवार मतदान हुने जनाइएको छ । शुक्रवारनै निर्विरोध हुने नेतृत्वले सहमतिको प्रयास गर्ने बताइएको छ ।
समितिका अध्यक्ष पूर्ण सुबेदीको अध्यक्षतामा सम्पन्न उक्त साधारण सभाको उद्घाटन निवर्तमान उर्जा जलस्रोत तथा सिंचाई मन्त्री पूर्ण बहादुर तामाङले गर्नु भएको थियो । उहाले आफु मन्त्री हुदा पनि क्रमागत रुपमा यस उपभोक्ता समितिका लागि ५ करोडको योजना पारेको साथै आगमी दिनमा पनि सकेको सहयोग गर्ने प्रतिबद्धता ब्यक्त गर्नुभयो ।
सो अबसरमा बोल्दै कार्यक्रमका विशिष्ट अतिथि एबं बगमती प्रदेस शभाका सांसद आनन्द श्रेष्ठ ले तामाकोसीको लिफ्ट गरिएको पानी को लियर घटने क्रममा रहेकोले यसको दीर्घकालिन टीकाउपनाको बारेमा सम्बन्धित निकायले गम्भिर भएर सोच्नु पर्ने बताउनुभयो ।
साधारण सभाले सचिब ढाकल थापा र कोषाध्यक्ष कृष्ण बस्नेत द्वारा प्रस्तुत सांगठनिक र आर्थिक प्रतिबेदन समेत पास गरेको छ ।
यो बारेमा तपाईको प्रतिकृया