मन्थली,११ पुष । अत्याधिक रुपमा चिसो बढ्दै गएपछि लिखु तामाकोसी गाँउपालिका वडा नं –४ ले भृङ्गेश्वर मावि काेटगाँउ विजुलीकोटका बालवालिकाहरुलाई न्यानो कपडा बितरण गरेको छ ।
बिद्यालय ब्यवस्थापन समितिका अध्यक्ष ढुण्डिराज तिमिल्सिनाको अध्यक्षता एबं लिखु तामाकोसी गाँउपालिकाका अध्यक्ष केशब महतको प्रमुख आतिथ्यतामा सो विद्यालयका १ सय ४० जना बालबालिकाहरुलाई न्यानो कपडा वितरण गरिएको बिद्यालयका प्रधानाध्यापक हरिश्चन्द्र महतले बताउनुभयो ।
उक्त अबसरमा भृङ्गेश्वर कोत सेवा समाजका अध्यक्ष एबं सो विद्यालय ब्यवस्थापन समितिका पूर्व अध्यक्ष धन बहादुर खड्का (पशुपति) ले समाजको तर्फबाट २० हजार र आफ्नो ब्यक्तिगत तर्फबाट १० हजार गरी कुल रु ३० हजार बिद्यालयलाई हस्तान्तरण गर्ने घोषणा गर्नु भएको छ ।
कार्यक्रममा ४ नं का वडा अध्यक्ष दिपक पुलामी ,उक्त गाँउपालिकाका शिक्षा शाखा प्रमुख राम सिंह डडाल लगाएतको उपस्थिति रहेको थियो ।
यो बारेमा तपाईको प्रतिकृया