मन्थली, २९ पुष । बागमती प्रदेशकी उद्योग बाणिज्य तथा भुमी ब्यवस्था मन्त्री विन्दु श्रेष्ठले जिल्लाको माग र आबश्यकताका आधारमा तर्जुमा नरिएका कार्यक्रमहरुको औचित्य नहुने बताउनुभएको छ ।
उहाँले धेरै जिल्लामा तालिम सञ्चालन हुने तर त्यसको प्रभावकारी कार्यान्वन नहुने गरेको प्रंसङ्ग उल्लेख गर्दै आबश्यकताका आधारमा योजना नवनाउदा यस्तोहुन पुगकोले अब आफ्नो मन्त्रालय मार्फत बनाइने बजेट र कार्यक्रम मागका आधारमा तर्जुमा गरिने बताउनुभयो ।
सो कुरा उहाँले उद्योग तथा वाणिज्य कार्यालय रामेछापले मंगलवार मन्थलीमा आयोजना गरेको एडभान्स ब्यूटि पार्लर तालिमको समापन कार्यक्रमका अवसरमा बताउनुभएको हो ।
सो अबसरमा उहाँले सरकारले महिला उद्यमी हरुका लागि ब्यवसाय दर्तामा ५० प्रतिशत छुट गरेकोले उक्त सुबिधा लिन पनि महिलाहरुलाई आग्रह गर्नुभयो भने जिल्लाको उद्योग वाणिज्य तथा भुमि ब्यवस्थाका लागि आफुले सकेको सहयोग गर्ने प्रतिबद्धता जनाउनुभयो ।
कार्यक्रमका अवसरमा बोल्दै वामती प्रदेशका उद्योग,पर्यटन, वन तथा वातवरण समितिका सभापति आनन्द श्रेष्ठले सबै खाले सीपहरुको एडभान्स तालिमका लागि आफुले सम्बन्धित मन्त्रालयहरुमा पहल गरेका कारण यो तालिम जिल्लामा आएको दावी गर्नुभयो ।
मन्थली नगरपालिकाकी उप प्रमुख इश्वरी बस्नेतले घरेलु मार्फत हुने यस्ता कार्यक्रमहरु आफ्नो पालिका सँग समन्वय हुने गरेको भन्दै सीप सिकेका महिलाहरुलाई ब्यवहारमा उतार्न आग्रह गर्नुभयो ।
एक महिना सम्म सम्पन्न उक्त तालिममा १५ जना सहभागि रहेका थिए भने समापन सत्र घरेलु तथा बाणिज्य कार्यालयका प्रमुख खेमराज घिमिरेको अध्यक्षतामा सम्पन्न भएको थियो ।
सोही अवसरमा कार्यालय प्रमुख घिमिरेले आफ्नो कार्यालय मार्फत भए गरेका कार्यक्रमहरु र आगामी कार्ययोजनाका वारेमा समेत प्रस्तुतीकरण गर्नु भएको थियो ।
यो बारेमा तपाईको प्रतिकृया