मन्थली,८ जेठ । नेपाल प्रेस युनियनले शुक्रवार नेपाली काँग्रेसको जरा अभियान –२०८३ सहितको कृयासिल सदस्य अध्यावधिक सम्बन्धि जानकारी लिन पत्रकार भेटघाटको आयोजना गरेको छ ।
युनियनकी अध्यक्ष ज्ञानु श्रेष्ठको अध्यक्षतमा सम्पन्न उक्त कार्यक्रमका अबसरमा बोल्दै रामेछाप काँग्रेसका कार्यवाहक सभापति नवराज थोकरले आजैदेखि नेपाली काँग्रेको जरा अभियान–२०८२ सुरु भएको र उक्त अभियान २१ गते भित्र सम्पन्न गर्ने बताउनुभयो ।
उहाँले भन्नुभयो– “यो अभियान एक महिना अघि (बैशाख) देखिनै सुरु भएको भएपनि तत्कालिन पार्टि सभापति पूर्ण बहादुर तामाङ्ग कान्छारामलाई पार्टिले कार्वाही गरेको र कार्यवाहकको चिठि केही समय पछि मात्र मलाई दिएकोले यो अभियान सञ्चालन गर्न ढिलाई भएको हो ।”
उक्त अभियान सम्पन्न गर्न ६४ वटै वडामा प्रतिनिधि खटाउने तयारी भैरहेको पनि उहाँले बताउनुभयो ।
कार्यक्रमका अबसरमा पत्रकारहरुले सोधेको प्रश्नको जवाफ दिदै सो अभियानका केन्द्रीय प्रतिनिधि किरण गिरीले बिशेष महाधिबेशनबाट म्यान्डेट पाएर आएको नेपाली काँग्रेस पार्टीले यसअघि नविकरण गरिएका कृयासिल सदस्यहरूलाई डिजिटल प्रणालीमा आबद्ध गरी अद्यावधिक गर्ने योजनाका साथ यो अभियान थालिएको बताउनुभयो ।
बाहिर हल्ला भए जस्तो पार्टि फुट्ने कुरा कल्पना पनि गर्न नसकिने बरु मिलएर लानलाई केन्द्रीय सभापति गगन कुमार थापाले अझैपनि निकै प्रयत्न गरीरहनु भएको पनि उहाले बताउनुभयाे । उहाँले भन्नुभयो– “जुनसुकै शक्तिशाली पार्टिको सरकार तीन बर्ष नटिकेकाे इतिहास नेपालमा भएको भन्दै तानाशाह नटिकेको,राजा नटिकेको यो मुलुकमा वालेन सरकारको रबैया पनि टिक्दैन । यो सरकारको आयु पनि ३ बर्ष भन्दा बढि हुँदैन । यो हावाहुरीमा आएको सुनामी जस्तै भएकोले रवि,वालेन र सुधनको रबैया विस्तारै निस्तेज भएर जाने पक्का छ ।”
कार्यक्रमा अबसरमा पार्टिका प्रबक्ता कुमार श्रेष्ठले यस अघि नवराज थोकरलाई दिइएको प्रशिक्षण विभागको जिम्मेवारी उपसभापति लेख बहादुर कार्की लाई दिने, ६४ वटा वडामा जरा अभियान सञ्चालन गर्न लागि जिल्लाबाट प्रतिनिधि खटाउन सचिवालय लाई जिम्मेवारी दिने,साथै जरा अभियान प्रभावकारी ढंगबाट सम्पन्न गर्ने निर्णय भेलाले गरेको कुरा सार्बजनिक गर्नुभयाे । विस्तारित भेला पछि नेपाली काँग्रेस जिल्ला कार्य समितिको बैठक समेत आयोजना गरिएको थियो ।
यो बारेमा तपाईको प्रतिकृया