रामेछाप- मन्थली नगरपालिकाले सय वर्ष पूरा हुनुभएका एक व्यक्तिलाई सम्मान गरेको छ । मन्थली नगरपालिका वडा नं ७ का गाइने माझीलाई सय वर्ष पूरा भएको खुसीयालीमा नगरपालिकाले नगद दश हजार पाँच सय सहित दोसल्ला ओढाएर गरेको हो । मन्थली नगरपालिकाका नगर प्रमुख रमेश कुमार बस्नेतले माझीलाई उहाँकै घरमा गएर सतबार्षिकीको अबसरमा सम्मान गर्नुभएको हो । त्यसैगरी वडा कार्यालयले पनि एक हजार पाँच रुपैयाँ सहित दोसल्ला ओढाएर सम्मान गरेको छ । वडाध्यक्ष सुर्दशन प्रसाइले एक सय वर्ष पूरा हुनुभएका माझीलाई जाडोको समयमा एक सेट न्यानो कपडा पनि प्रदान गर्नुभएको छ ।
सय वर्ष पूरा भएको खुसीयालीमा राखिएको कार्यक्रममा मन्थली नगरपालिकाका नगर प्रमुख, कार्यपालिकाका सदस्यहरु, बिभिन्न तहका कर्मचारीहरु, सञ्चारकर्मी, नेकपा र नेपाली काग्रेसका जिल्ला स्तरका नेता तथा कार्यकर्ताहरु एबं स्थानीयको सहभागिता रहेको थियो । वडा नम्बर ७ मा एक सय वर्ष पूरा गर्ने जेष्ठ नागरिक माझी मात्र भएकोले नगरपालिका र वडाले दिर्घ जीबनको कामना गर्दै सम्मान गरेको वडा नं ७ का वडा अध्यक्ष सुदर्शन प्रसाइले बताउनुभयो ।
दिर्घायूको कामना सहितको पुजापाठ गरी आयोजना गरिएको सतबार्षिकी कार्यक्रम मनाउने माझी मन्थली नगर कार्यपालिकाका सदस्य निर्माण माझीका पिता हुनुहुन्छ ।
यो बारेमा तपाईको प्रतिकृया