मन्थली नगरपालिका सहित ६ वटा पालिकामा सर्बसम्बत नेतृत्व चयन,२ पालिका अझै बाँकी

मन्थली,७ असोज । नेपाली काङ्ग्रेसको १५ आंै अधिबेशन अन्तर्गत रामेछापको ८ वटै स्थानीय तहमा भएको पालिका अधिबेशनमा मन्थली नगरपालिका सहित ६ वटा पालिकामा सर्बसम्मत नेतृत्व चयन भएको छ ।
प्राप्त जानकारी अनुसार – सभापतिहरुमा क्रमशः मन्थली नगरपालिकामा रमेश काफ्ले,गोकुलगङ्गा गाँउपालिकामा रबिन्द्र बस्नेत, लिखु तामाकोशी गाँउपालिकामा दिपक पुलामी,उमाकुण्ड गाँउपालिकामा महेश भण्डारी र दोरम्बा शैलुङ गाँउपालिकामा लालबहादुर मगर निर्विरोध निर्बाचित हुनु भएको हो ।
रामेछाप नगरपालिकामा निवर्तमान सभापति कमल विक्रम कार्कीको नाममा सर्वसम्मत भएको घोषणा गरिएको भएपनि बिधानले लगातार तेस्रो कार्यकाल पनि सभापति हुन नपाइने ब्यव्स्था भएको भन्दै सभापतिका उमेद्वार मोतिलाल तामाङले जिल्ला निर्वाचन समिति र जिल्ला पार्टि कार्यालयमा उजुरी दिएपछि अन्य पदहरु सर्बसम्मत भएपनि सभापतिको पद भने अन्यौलमा परेको छ । त्यस्तै गरी खाँडादेवी गाँउपालिकामा बुधवार साझ अबेर सम्म पनि सहमतिको प्रयास गरिएको थियो । सभापति पदका ६ आकाङ्क्षि भएपनि २ जनाले मनानयन फिर्ता लिएको तर सुरेश कार्की, बेदराज लामा, मनोज बुढाथोकी र विराज श्रेष्ठ को उमेद्वारी कायमै रहेकोले ८ गते मतदान हुने बताइएको छ ।