मन्थली,२९ भाद्र । रामेछाप प्रहरीले चोरीको सुन बेच्ने र किन्ने दुबैलाई पक्राउ गरी अनुसन्धानका लागि जिल्ला अदालत बाट ८ दिनको म्याद थपेको छ ।
यसरी पक्राउ पर्नेमा चोरीको सुन बिक्रि गर्ने गोकुलगंगा गाँउपालिका वडा नं –२ की ५३ बर्षिया मैया कार्की र खरिद गर्ने मन्थली नगरपालिका वडा नं –१ मा सुन व्यबसाय गर्ने न्यू सनराइज ज्वेलर्सका सञ्चालक ३८ बर्षिय सिताराम लोहार रहेका छन् ।
जिल्ला प्रहरी कार्यालय रामेछापका सूचना अधिकारी कमल राउतका अनुसार– यही भाद्र २४ गते मन्थली नगरपालिका वडा नं –६ कुराउनी बस्ने बर्ष ५४ की बिभाग माझीलाई अपरिचित ब्यक्तिले नशालु पदार्थ सेवन गराएर बेहोस बनाइ दुबै कानमा लगाएको सुनको सक्कली बेरुवा रिङ निकालि सो को सट्टा नक्कली गहना लगाइएदिर फरार भएकी थिइन । घट्नाको जानकारी पाउना साथ अनुसन्धानमा खटिएको टोलीले प्रमाण सहित ति दुवैजनालाई पक्राउ गरेको हो ।
प्रहरीले कार्कीबाट पहेलो रङको धातुको रिङ २ थान, अाैंठी १ थान, फुली १ थान, कि प्याड मोवाइल ४ थान, नगद सात हजार तीन सय र चोरी गर्दा लगाएको लुगा र झोला समेत बरामद गरेको छ ।
त्यसैगरी प्रहरीले लोहार सँग पीडितकाे कानबाट झिकिएको १४ लाल १ प्वाइन्टको दुइवटा सुनको रिङ समेत वरामद गरेको छ ।
प्रहरीका अनुसार कार्कीले चोरी गरेको सुनको गहना न्यू सनराइज ज्वेलर्स मन्थली १ मा बिक्रि गरेकी थिइन् ।
यो बारेमा तपाईको प्रतिकृया