मृतक साथिको परिवारलाई साथिहरुले सुकुम्बासी हुन बाट जोगाए

रामेछाप,असार १४ । सुन्दा नयाँ पनि लाग्न सक्छ । ऋणका कारण घरबार विहिन हुन लागेको आफनै साथिको परिवारलाई उनैका साथिहरुले ऋण तिरिदिएका छन् । ६ बर्ष अघि मृत्यु भएका मन्थली नगरपालिका २ का इमबहादुर बिकको परिवारलाई मन्थली मा.बि.का २०५५ सालको एस.एल.सी ब्याजका विद्यार्थीले ऋणको भारबाट मुक्त गराई घरबार बिहिन हुनबाट जोगाएका हुन् ।
विकले २०७२ सालमा घर सारका लागि मन्थली साकोस बाट भएको सबै घरजग्गा धितो राखेर ५० हजार रुपैँया ऋण लिएका थिए । ऋण लिएको केही समयम उनको मृत्यु भयो । गरिवीले अक्रान्त विकको परिवारले उनको मृत्यु पश्चात साकोसको ऋण तिर्न त के ब्याज बुझाउन पनि सकेन् ।
६ बर्ष अघि लिएको विक परिवारको ऋणको ब्याज सहित मन्थली बचतमा ९५ हजार पुगेर सबै जायजेथा लिलाम हुने तयारीमा पुगेको थियो । बिकको मृत्यु पश्चात उनको नाबालक छोराले उक्त ऋण तिर्ने अबस्था थिएन र धितो लिलाम हुने स्थितिमा पुगि सकेको थियो ।
मृतक सहपाठी साथीको जग्गा नै लिलाम हुन लागेको र उनका छोराहरू घरबार बिहिन हुने अवस्था सुनेपछि २०५५ साल एस.एल.सी ब्याजका विद्यार्थीहरूले स्वस्फुर्त रुपमा आफैले चन्दा स्वरुप धेरथोर रकम उठाएर सहकारीको ९५ हजार रुपैँया ऋण तिरिदिए र धनी पुर्जा मृतक विकका छोराहरुलाई हस्तान्तरण गरेका हुन । मंगलबार मन्थली मा.वि.मा एक कार्यक्रमको आयोजना गरी विकका छोराहरुलाई जग्गाधनी पुर्जा हस्तान्तरण मंगलबार गरिएको हो ।
विकले तिर्नु पर्नै ९५ हजार रुपैयाँ मध्ये मन्थली बचतले ३५ हजार छुट गरिदिएको र बाँकि रहेको ६० हजार नगद २०५५ सालका साथिहरुल्ो तिरिदिएका हुन् । श्रीमतिको समेत निधन भइ सकेको मृतक बिकका २२, १८ र १२ वर्षका ३ भाइ छोरा छन । सो अबसरमा सोहि टीमको सहयोगमा विकका १२ वर्षीय छोरालाई मंगलबार नै शैक्षिक सामाग्री समेत हस्तान्तरण गरिएको छ ।
मन्थली नगरपालिका–२ का वडाध्यक्ष सुरेन्द्र बहादुर कार्कीको प्रमुख आतिथ्यतामा भएको सहयोग हस्तान्तरण कार्यक्रममा मन्थली साकोसका अध्यक्ष गोविन्द घिमिरेले पनि संस्थाको तर्फबाट पीडित परिवारले पाउने किरिया खर्च बापतको रकम २० हजार रुपैया पनि हस्तान्तरण गरेका थिए ।्‘