सुनापति गाउँपालिकाद्धारा लुभु घटनाका परिवारलाई ३० हजार सहयोग गर्ने

रामेछाप २२ असार । मंगलबार विहान सुनापति गाउँपालिका–५ लुभुघाट घटनामा परि मृत्यु भएका मृतकका परिवारलाई सुनापति गाउँपालिकाले तीस हजार रुपैयाँ आर्थिक सहयोग उपलब्ध गराउने निर्णय गरेको छ ।
मंगलबार बसेको गाउँपालिकाको बैठकले मृतक परिवारलाई जनही ३० हजार रुपैयाँका दरले दाहसंस्कार खर्च उपलब्ध गराउन निर्णय भएको प्रमुख प्रशासकिय अधिकृत कमल श्रेष्ठले जानकारी दिए । उनले घटनाले पालिकालाई अपुरणिय क्षति भएको बताउदै दुःखको यस घडीमा मृतकका परिवारलाई तीस हजार रुपैयाँ आर्थिक सहयोग उपलब्ध गराउने निर्णय गरिएको जानकारी दिए अस्पतालमा उपचारत घाइतेहरुको उपचारमा कुनै पनि कमी हुन नदिने गरी आफूहरुले समन्वयकारी भूमिका समेत निर्वाह गरिरहेको जानकारी अध्यक्ष तामाङले गराए ।