धोवीको सभामा कैलाश ढुँगेलको गर्जन ः परिवर्तनका लागि एमालेलाई मतदान

रामेछाप १६ कात्तिक । मंसिर ४ गतेको चुनावि अभियानमा लागेको नेकपा एमाले रामेछापले मंगलबार लिखु तामाकोसी गाउँपालिका प्रदेश क को धोवि बजारमा चुनावि सभा गरेको छ । आफना उमेद्वारहरुको पक्षमा जनमत जुटाउने अभियान सहित प्रतिनिधिसभा र प्रदेशसभा निर्वाचनको लागि जिल्लाभित्र चुनावी अभियान तीब्र बनाएको एमालेले मंगलबार धोवि बजारमा जनसभा तथा मतदाता भेटघाट गरि सामुहिक रुपमा आफनो धारणा राखेको हो ।
प्रदेश क र प्रदेश ख मा छुट्टा छुट्टै कार्य तालिका निर्माण गरि चुनावि मोर्चा मार्फत अभियान चलाउँदै आएको एमालेका जिल्ला ईन्चार्ज तथा प्रतिनिधि सभाका उमेद्वार कैलास ढुंगेलले नेपालको परिवर्तनका लागि एमाले पार्टिको सरकार आबश्यक रहेको भन्दै त्यसका लागि एमालेका उमेद्वार हरुका पक्षमा मतदान गर्न आग्रह गर्नु भएको थियो । अभियान अन्र्तगत चुनावी सभामा सम्बोधन गर्ने क्रममा धोवि पुग्नु भएका ढुंगेलले विगतमा एमाले सरकारमा हँुदा गरेका जनमुखि कामको पनि स्मरण गराउनु भयो । उहाँले सोहि कामका आधारमा सुर्य चिन्हको पक्षमा मतदान गर्न पनि मतदाताहरुलाई आग्रह गर्नु भयो ।
चुनावी सभालाई सम्बोधन गर्दै ढुंगेलले सत्ता गठबन्धनलाई सत्ताको उन्माद लागेको आरोप लगाउँदै उनिहरु सत्तका आडमा प्रशासनको दम्भ नदेखाउन पनि आग्रह गर्नु भयो । कतिपय कार्यक्रममा गठबन्धनका उम्मेदवारहरुले प्रहरी प्रशासनका नाममा देखाएको घमण्ड प्रति असन्तुष्टि जनाउँदै भन्नु भयो उनिहरुले देखाएको दम्भले एमालेका मतदाता र कार्यकर्ताहरु विचलित हुनेछैनन् ।

एमाले पार्टीलाई सरकारमा हुँदा गरेको कामका आधारमा जनताको विश्वास भएकाले आगामी निर्वाचनमा एमालेका उमेद्वार हरुलाई जित्नबाट कसैले पनि रोक्न नसक्ने ठोकुवा पनि गर्नु भयो । रामेछाप जिल्ला मा सिङ्गो विकासको खाका कोर्ने काम एमाले नै गरेकोले सोहि आधारमा जनताले आगामी निर्वाचनमा पनि एमालेका उमेद्वारहरुलाई जिताएर पठाउने दावी गर्नु भयो ।
कार्यक्रममा प्रदेश सभा क का उम्मेदवार शान्ति पौडेलले रामेछाप जिल्लाको विकासमा एमालेको भिजन मार्गदर्शन भएकाले र त्यसको कार्यान्वयनका लागि पनि एमालेले नै जित्नु पर्ने दावि गर्नु भयो । उहाँले भन्नु भयो एमाले पार्टि र उसको उमेद्वारका नाताले अरु पार्टि रतिनका प्रतिनिधिहरुले जस्तो हामि कैलैपनि जन विरोधि काममा संलग्न हुनै छैनौ । चुनावी सभामा सयौको संख्यमा सर्वसाधारणको सहभागिता रहेको नेकपा एमाले जिल्ला उप सचिब होतराज ढकालले बताउनु भयो ।