मन्थली , १६ माघ । “कृषि,जलस्रोत, वन, कला र संस्कृतिको जगेर्ना गरौं, उद्योग र पर्यटनको प्रवद्र्धन गरौं” भन्ने मूल नाराका साथ रामेछापको मन्थलीमा बुधवार देखि रामेछाप कृषि,पर्यटन,औद्योगिक मेला प्रदर्शनी–२०८१ सुरु भएको छ ।
रामेछाप उद्योग वाणिज्य संघको अयोजनामा सुरु भएको उक्त मेलाको उद्घाटन नेपाल उद्योग वाणिज्य महासंघका जिल्ला नगर उपाध्यक्ष सुरकृष्ण बैद्यले गर्नु भएको थियो ।
मेलामा विभिन्न कृषिउपज,लघु उद्यम मार्फत उत्पादित बस्तुहरु, होजियारी सामाग्री, हस्तकला सामाग्री लगाएतका विभिन्न स्थानीय उत्पादनहरु प्रदर्शनीमा राखिएका छन् ।
सुस्ताउदै गैरहेको ब्यवसायीक कारोवारलाई केहि हद सम्म न्यूनिकरण गर्ने एबं जिल्लाका संस्कृति र पहिचाहनलाई देश ब्यापी रुपमा चिनाउने उद्देश्यका साथ यो मेला आयोजना गरिएको रामेछाप उद्योग बाणिज्य संघका अध्यक्ष नविन कुमार थापाले बताउनुभयो ।
रामेछाप उद्योग वाणिज्य संघका अध्यक्ष नविन कुमार थापामगरको अध्यक्षतामा सम्पन्न उक्त कार्यक्रममा विभिन्न पालिकाका प्रमुखहरु जिल्लाका राजनैतिक दलका प्रतिनिधिहरु, प्रमुख जिल्ला अधिकारी, विभिन्न संघ सस्थाका प्रतिनिधि हरुले आ आफ्ना मन्तब्य राखेका थिए ।
मेला यहि माघ २६ गते सम्म चल्ने आयोजकले जनाएको छ ।
यो बारेमा तपाईको प्रतिकृया