हावा हुरीले गेलुको नाटिलामा करोडौको क्षति

रामेछाप ,२० चैत । छोटो समय आएको हावा हुरिले मन्थली नगरपालिका वडा नं –११ को नाटिलामा करोडौंको धनमाल क्षति भएको छ । शनिवार साँझ आएको हावा,हुरी र वर्षादले नाटिला गाउँ मा कराडौको धनमाल सखाप भएको हो । हावा हुरी र पानीले सर्वसाधारणको घरको छानो उडाउनका साथै घरमा समेत क्षति पुगेपछि पीडितहरुको बासनै उठेको छ । रुखहरु ढालेर पुरै गाउँ नै तहसनहस बनाएको छ भने सो घटनामा एक जना घाइते भएका छन् ।
घाइते ६५ बर्षिय बोध कुमारी बोहोरालाई शनिबार राती नै उपचारको लागि मन्थली ल्याइएको थियो । हावा हुरीले २५ वटा भन्दा बढी घरको पुरै छाना उडाएको छ भने १ सय ५० भन्दा बढी घरको छाना पनि आंशिक रुपमा उडाएको छ । जसका कारण घरमा क्षती पुगेको छ भने हावा हुरी संगै आएको पानीले घरमा भएको धान,मकै,कोदो,गाहुँ लगाएत अन्न बाली सबै भिजेको छ । साथै हुरीले ३ वटा पसलको छाना उडाउदा पसलमा रहेको समान भिजेर नस्ट भएको छ । हावा हुरी संगै आएको पानीले ४ सय बर्ष भन्दा पुराना वर,पिपल चिलाउने,फडिल र साल प्रजातिका रुखहरु समेत उखलिएका छन् । गाउँमा रहेका अधिकाँस रुख बिरुवाहरुको हागाँ भाचिएको छ । ।
पिडित परिवारलाई स्थानीयले रातिनै उद्धार गरेका थिए । त्यसैगरी हावा हुरी पिडितहरुका लागि जिल्ला प्रहरी कार्यालयले पनि काम गरेको प्रह नायव उपरिक्षक राजकुमार थिडले बताए । त्यो संगै आईतबार विहान रेडक्रसका मन्त्री जयप्रकास श्रेष्ठको नेतृत्वमा गएको रेडक्रसको टिमले पिडितको घर घरमा पुगेर त्रिपाल वितरण गरेको थियो ।
विहान देखि घटना स्थलमा पुगेको प्रशासन कार्यालय रामेछाप जिल्ला प्रहरी कार्यालय,
र सशस्त्र प्रहरी बल रामेछापको टोलीले पीडितहरुको उद्दार गर्नको साथै घर घरमा गएर घट्नाको बिबरण संकलन गरिरहेको र ठुलो संख्यामा क्षति पुगेकोले पुर्ण विवरण आउन अरु केहि दिन लाग्ने प्रहरीले जनाएको छ ।
त्यसैगरी मन्थली नगरपालिका–११ का वडा अध्यक्ष भिम बहादुर थापामगरले तत्कालको समस्या समाधानको लागि जिल्ला रेडक्रस सोसाइटी मार्फत त्रिपाल बितरण गरिएको भए पनि पीडितहरुका लागि उक्त राहत कम हुने भन्दै त्यसका लागि थप राहतको लागि नगरपालिका, प्रदेश सरकार र संघिय सरकार सम्म पुगेर अनुरोध गर्ने आश्वासन पनि दिए । उनले भने मेरो वडाका नागरिकको रक्षा गर्नु मेरो कर्तब्य पनि हो ।