रामेछाप र मन्थली नगरको विकासका लागि कार्यदल निर्माण

रामेछाप,१५ असार । रामेछाप नगरपालिका र मन्थली नगरपालीकाले आन्तरिक विकासका लागि सहकार्य गर्ने भएका छन् । रामेछाप नगरपालीकाका प्रमुख लबश्री न्यौपानेको समन्वयमा रामेछाप नगरमा बसेको दुवै नगरका प्रमुख उप प्रमुख र प्रमुख प्रशासकिय अधिकृत हरु समेतको संयुक्त बैठकले विशेष गरि सिमाना क्षेत्रको विकास,ऐतिहाँसिक महत्वका ठाउँहरुको ब्यवस्थापन, संभावित प्रकोप र फोहोर ब्यवस्थापन जस्ता कुरामा मिलेर जाने सहमति गरेका हुन् ।
बैठकले दुवै नगरको स्वार्थ र विकास संग जोडिएका सवालहरु सिमानामा रहेको ऐतिहासिक तिल्के स्थान गढिको विकास संरक्षण सम्बद्धन र उपयोग,सिमाना खोला शुकाजोर खोलामा बाँझो रहेको सयौ विघा जमिनको तटबन्धन र सम्भावित सिंचाईको विकासमा सहकार्यका लागि सामुहिक रुपमा अघि बढ्ने सहमति गरेको छ ।
त्यसैगरी बैठकले दुबै नगर संग जोडिएको निर्माणाधिन सेलेघाट साँघुटार सडक खण्डमा भएको ढिलासुस्ति र आकश्यक समस्याका बारेमा दुवै पक्षले समाधानका उपाएहरुको खोजि गर्ने ,.। रामेछाप ८मा रहेको निर्माणाधिन विटार पार्कको विकास तथा सदरमुकाम मन्थली बजार संग ब्यवासायीक स्वार्थ रहेको मन्थली ४को च्याउकेठाँटि भालुखोप र ओख्रेनी सडकको निर्माण र स्तरउन्नति जस्ता कुराहरुमा मिलेर जान सकिने सहमति पनि बैठकले गरेको छ ।
त्यसका लागि बैठकले दुवै पक्षले आबश्यक प्रकृया अघि बढाउनका लागि दुवै नगरका प्रमुख उप प्रमुख र प्रमुख प्रशासकिय अधिकृतहरु र एक एक जना नगरका अधिकृत हरु समेत सदस्य रहने गरि कार्यदल पनि बनाउने निर्णय गरेको छ । कार्यदलले त्यसका लागि आबश्यक मापदण्ड तयार गर्ने र आबश्क परेमा आ आफना कार्यपालिकाको बैठकमा लैजाने सकिने पनि सहमति गरेको छ । बैठकले ति ठाउँका विकासका लागि आबश्यक अनुसार वडा अध्यक्ष हरुलाई पनि सहभागि गराईने सहमति गरेको छ । बैठकमा रामेछाप ८ का वडाध्यक्ष ,पत्रकार महासंघका अध्यक्ष , अगुवा संचारकर्मि र सरोकारवाला प्रतिनिधिहरुलाई पनि सुझाबका लागि आमन्त्रण गरिएको रामेछाप नगर प्रमुख लबश्री न्यौपानेले जानकारी दिए ।