सुनकोशी ३ मा लागानी गर्न बंगालादेश सकरात्मक ः राजदूत चौधरी

रामेछाप — नेपालका लागि बंगलादेशका राजदूत सलाउद्धित नोमन चौधरीले खाडादेवी गाउँपालिका वडा न.१ राकाथुमको लुबुघाटमा पर्ने ६सय ८३ मेगावाट बंगलादेश क्षमताको सुनकोशी–३ जलाशययुक्त जलबिद्युत आयोजना संचालनका लागि बंगलादेश सकरात्म्क रहेको बताएका छन् । सो कुरा उनले आयोजनाको स्थलगत निरीक्षण भ्रमणका क्रममा बताएका हुन् ।
नेपाल विद्युत प्राधिकरण कार्यकारी निर्देशक श्री कुलनाम घिसिङ, उर्जा मन्त्रालयका अधिकारीहरुका साथमा बुधबार लुभुघाट आईपगेका चौधरीले आयोजनाको बाँध, उत्पादनगृह रहने स्थान र प्रभावित क्षेत्रको समेत अवलोकन गरेपछि उक्त धारणा सार्वजनिक गरेका हुन् ।
स्थलगत अनुगमन र निरिक्षण पस्चात आयोजित कार्यक्रममा नेपाल विद्युत् प्राधिकरणका कार्यकारी निर्देशक कुलमान घिसिङले सुनकोसी ३ जलासययुक्त आयोजनाको काम अगाडी बढाउन बंगलादेश सरकार सँग पटक पटक कुरा भइसकेको र कुरा सकरात्म्क रुपमा अघि बढेको पनि बताए । उक्त प्रयोजनका लागि बंगलादेशबाट केही समयमै प्राविधिक टोली आयोजना स्थलमा आउन लागेको जानकारी पनि कुलमानले दिए ।
उनले नेपालको विद्युत्को ठूलो बजार रहेका कारण नेपाल तथा बंगलादेशको अलावा भारत समेतको सह आयोजनामा मिलेर लगानी गर्न कुरामा बार्ता भइरहेको भन्दै आयोजनलाई गति दिने काममा आफु तल्लीन भएर लागेको पनि सो अबसरमा बताए । घिसिङले ठूला जलासययुक्त जलविद्युत् आयोजना निर्माण गर्दा विद्युत्सँगै पर्यटनको विकास हुने भएकाले पनि सुनकोसी ३ जस्ता आयोजना चाडो निर्माण गर्नुपर्नेमा जोड दिए ।
कार्यक्रममा विद्युत विकास विभागका महानिर्देशक संजीव देवले सुनकोसी ३ जलविद्युत् आयोजनाको अध्ययनको काम विभागले अन्तिम चरणमा पु¥याएको जानकारी पनि गराए । सन् १९८५ मा जापानले प्रारम्भिक अध्ययन गरेको उक्त आयोजनाको २०७४ सालदेखि विद्युत विकास विभागले अध्ययन थालेको थियो ।
कुल ६ सय ८३ मेघावाट विद्युत उत्पादन हुने उक्त आयोजनाको बाँध रामेछाप र काभ्रेको सिमा लुभुघाटमा निर्माण हुने जानकारी पनि सो अबसरमा गराईएको थियो । सुनकोसी नदीमा १सय ६० मिटर चौडा र १ सय ८० मिटर उचाईको बाँध निर्माण गरी २ वटा सुरुङबाट करिव ४ सय मिटर टाढा काभ्रे जिल्लाको तेमाल गाउँपालिकामा पर्ने तित्रेटारमा निर्माण हुने उत्पादन गृहमा खसाल्ने योजना रहेको छ । उत्पादित विद्युत २५ किलोमिटर लामो प्रशारण लाईनबाट सुनकोसी मरिण डाईभर्सन आयोजनाको विद्युत गृह नजिक निर्माण हुने सवस्टेशनसम्म पु¥याइ केन्द्रीय प्रशारण लाइनमा जोडिने लक्ष्य रहेको जानकारी पनि महानिर्देशक देवले गराए ।
लुभुमा आयोजित कार्यक्रममा प्रभावित क्षेत्र सुनापति गाउँपालिकाका अध्यक्ष ठुलोकान्छा तामाङ, नेपाली कांग्रेसका नेता रामचन्द्र खड्का, नेकपा एमालेका भुवन विक्रम घिमिरे, माओवादी केन्द्रका पोलिटव्यूरो सदस्य लिला चौलागाई र सुनापति गाउँपालिकाकी उपाध्यक्ष गीता विष्टले सुनकोसी ३ जलासययुक्त आयोजना काम जति सक्दो चाडो संचालन गर्नु पर्ने कुरामा जोड दिएका थिए ।
जलासयको स्थलगत निरिक्षण पछि कुलमानले सुनापति गाउँपालीकामा संचालन हुन लागेको नेपाल विद्युत प्राधिकरणको कार्यालयको समेत उद्घाटन पनि गरेका थिए । सो अबसरमा कार्यकारी निर्देशक कुलमान घिसिङलाई उनले पढेको मावि डहुले स्वागत तथा सम्मान कार्यक्रमको आयोजना पनि गरेको जनाकारी सुनापति गाउँपालिकाका प्रमुख प्रशासकिय अधिकृत कमल श्रेष्ठले जानकारी दिए ।