खिम्ती बेशीमा २ महिने झोला बनाउने तालिम

रामेछाप ,२ भदौ । लिखु तामाकासी गाउँपालिकाको आर्थिक सहयोगमा वडा नं ६ को खिम्ति बेसीमा संचालित महिलाहरुका लागि २ महिने कपडाको लेडिज ब्याग बनाउने तालिम विहिबार सकिएको छ । गरिबी निबारणका लागि लघु उद्यम विकास कार्यक्रम अन्र्तगत गाउँपालिकाको आर्थिक सहयोगमा संचालन गरिएको उक्त तालिम पालिकाका अध्यक्ष केशव महतको प्रमुख आतिथ्यतामा समापन भएको हो ।
तालिमको समापन गर्दे प्रमुख अतिथि महतले महिलाहरुको सशक्तिकरण विना मुलुकमा सम्बृद्धि सम्भब नभएको भन्दै महिलाहरुको सिप र क्षमता विकासका लागि पालिकाले सदैब सहयोग गर्ने बताउनु भयो । आर्थिक शसक्तिकरण विना महिला शसक्तिकरण सम्भब नभएको भन्दै प्रमुख महतले महिलाहरुको ससक्तिकरणका लागि सिप मुलक तालिम उपलब्ध गराईएको जानकारी दिनुभयो । समापनका क्रममा १० जना महिला हरुलाई पालिकाले १ ÷१ थान कपडा सिलाउने मेसिन पनि सहयोग स्वरुप उपलब्ध गराएको थियो ।
सिप बिकास कार्यक्रम अन्तरगत लिखु तामाकोशी गाउँपालिकाले स्थानीय स्तरमानै स्वरोजगार सृजना गराउने उदेश्यका साथ उक्त वडाका महिलाहरुका लागि सिप मुलक संगै क्षमता बिकासको तालिम संचालन गरीनु राम्रो कुरा भएको कार्यक्रमका सहभागि अतिथिहरुले बताएका थिए ।

उक्त समापन कार्यक्रममा वडाध्यक्ष शिब न्यौपाने,जनहित बचत तथा ऋण सहकारी संस्था खिम्तिका अध्यक्ष मुकुन्द कडेरिया लगायतका बक्ताहरुले २ महिने तालिममा लिएको सिपलाई ब्यवहारमा ढाल्न सके तालिमको उदेश्य पुरा हुने धारणा राख्नु भएको थियो ।