मन्थली,५ असार । मन्थली नगरपालिकाले आगमी आर्थिक वर्ष २०८१÷८२ का लागि कुल १ अरव १ करोड ९७ लाख, ८१ हजार बरावरको वजेट ल्याएको छ । जुन बजेट चालु आर्थिक वर्षको तुलनामा ३ करोड घटि हो ।
नगरले यब वर्ष पनि खासै नयाँ कार्यक्राहमरु नल्याई पुरानै कार्यक्रमहरुलाई निरन्तरता दिएको छ । नीति तथा कार्यक्रमा पूर्वाधार तर्फ ठुला विकास निर्माण काम समेत आगामी बजेटले ल्याउन सकेको छैन ।
सञ्चार क्षेत्रलाई समेट्ने कुनै पनि कार्यक्रम नीति तथा कार्यक्रममा समेवेश भएको नपाएपछि पत्रकारहरुले आफूहरुलाई बजेटले नसमेटेको भन्दै जनप्रतिनिधिहरुको ध्यानाकर्षण गराएका थिए ।
नगर प्रमुख लव श्रेष्ठको अध्यक्षतामा सम्पन्न उक्त नगर सभाको उद्घाटन नगर प्रमुख श्रेष्ठ आफैले गर्नु भएको थियो ।
कार्यक्रममा अवसरमा श्रेष्ठले आगामी आवको नीति तथा कार्यक्रम प्रस्तुत गर्नुका साथै उपप्रमुख ईश्वरी बस्नेत ले आगामी आबको शिर्षकगत बजेट प्रस्तुत गर्नु भएको थियो ।
नगर प्रमुख श्रेष्ठले बाचन गर्नु भएको विवरण अनुसार चालु वर्षमा मन्थली नगरपालिकाले संघीय र प्रदेश सरकारको समन्वय र सहकार्यमा नगर भित्रका विभिन्न सडकहरू गरी कूल ८९।६९ प्रतिशत सडक कालो पत्रे भएको, ५ हजार ८ सय ५४ जनालाई सामाजिक सामाजिक सुरक्षा भत्ता वितरण गरिँदै आएको, १०६ जना दीर्घ रोगीहरूलाई उपचार खर्च बापत मासिक ५ हजारका दरले कूल ६३ लाख ६० हजार भुक्तानी गरिएको छ ।
त्यस्तै १४ वटा वडा रहेको यो नगरको चालु आ।वा मा ७ र ८ नम्बरको वडा कार्यालय सम्पन्न भएर सेवा प्रवाह भइरहेको, ३ र ११ को भवन हस्तान्तरणको चरणमा रहेको, १३ नम्बरको भवन निर्माण अन्तिम चरणमा रहेको, वडा नं ४ र ५ निर्माणको लागि टेन्डर भएर सम्झौताको चरणमा रहेको र ६, ९ र १२ नम्बरको भवन निर्माणको लागि जग्गा प्राप्तिको लागि पहल भइरहेको पनि नगर प्रमुख श्रेष्ठले प्रस्तुत गरेको नीति तथा कार्यक्रममा उल्लेख गरिएको छ ।
त्यसैगरी नगरले हाल चालु आर्थिक वर्षमा १ ऐन, ११ कार्यविधि, १ निर्देशिका, १ नीति गरी जम्मा १४ वटा ऐन कानुन निर्माण गरेको र न्यायिक समितिमा ४० वटा उजुरी दर्ता भएकोमा २७ उजुरी फच्छ्र्यौट भएको कुरा पनि उल्लेख गरिएको छ ।
नगर प्रमुख श्रेष्ठले आगामी नीति तथा कार्यक्रममा कृषि क्षेत्रको विकासका लागि एक वडा एक उत्पादन कार्यक्रम मार्फत व्यावसायिक खेतीलाई प्रवद्र्धन गरी एम्बुलेन्स सहित बजारीकरणमा पहल गर्ने, किसानलाई एस एम एस बाट सूचना दिने, नियमित रूपमा संचालनमा नरहेका सहकारीहरूलाई तत्काल खारेजी प्रक्रिया लैजाने, ५–१२ उमेरका सम्पूर्ण बालबालिकालाई टिकाउने र सिकाउन वातावरण सिर्जना गरी भर्ना सुनिश्चित गरी अनिवार्य तथा निःशुल्क शिक्षा भएको वडा घोषणा हुँदै नगर घोषणा गरिने साथै एम फिल(दर्शनाचार्य) र पि एच डि (बिद्यावारीधि गर्नका लागि नगर क्षेत्र भित्रका शोधार्थीहरुलाई क्रमश ३० हजार र ५० हजार सम्म सहयोग गर्ने पनि उल्लेख गरिएको छ ।
त्यस्तै ‘सुत्केरीसँग उपप्रमुख’ कार्यक्रम थप गर्दै ‘छोरी जन्मलाई प्रोत्साहन’लाई निरन्तरता दिएको छ । स्वास्थ्य सेवाको पहुँचमा कमी भएका व्यक्तिलाई स्वास्थ्य सेवा प्रदान गर्नको लागि विद्यालय नर्स तथा अन्य स्वास्थ्यकर्मी मार्फत ‘किशोरीसँग नर्स, विद्यार्थीसँग स्वास्थ्यकर्मी तथा ज्येष्ठ नागरिकसँग घरदैलोमा स्वास्थ्यकर्मी कार्यक्रम सञ्चालन गर्ने नीति लिएको पनि उल्लेख छ ।
त्यस्तै बढ्दै गएको नसर्ने रोगहरूलाई लक्षित गरी ‘मेरो जिम्मेवारी, मेरो स्वास्थ्य’ कार्यक्रम, मन्थली अस्पताललाई थप व्यवस्थित गरी सञ्चालन गर्ने, पूर्वाधार विकासमा ‘ठुला पूर्वाधार समृद्ध नगरको आधार’ भन्ने नारासहित नगर वडा साझेदारी, विकास निर्माणमा बराबरी नीतिलाई निरन्तरता दिएको छ ।
यो बारेमा तपाईको प्रतिकृया