२३ बैशाख, २०७६
सुनापती– स्थानीय सरकार गठन हुनु पूर्व विभिन्न गैरसरकारी संघसंस्थाहरूले चलाउने गरेको लैंगिक हिंसा न्यूनीकरण सम्बन्धी अभियानमा स्थानीय सरकार गठन भए पछि जनप्रतिनिधिहरुले बढी चासो दिन थालेका छन् । गाउँमा विभिन्न कारणले हुने लैंगिक हिंसालाई रोक्नको लागि न्यायिक समितिका पदाधिकारी, मेलमिलापकर्ता र गाउँमा क्रियाशिल आमा समूहहरू बढी सक्रिय भएर लागेका हुन् ।
त्यस्तै रामेछापको सुनापती गाउँपालिकाले पनि आफ्नो पालिका भित्र भइरहेका लैंगिक हिसालाई न्यूनीकरण तथा आगमी दिनमा त्यस्ता घटना हुन नदिनको लागि न्यायिक समितिको काम कर्तब्य तथा लैंगिक हिंसा न्यूनीकरण सम्बन्धि सचेतना गोष्ठी नै चलाएको छ । सोमबार सुनापती गाउँपालिकाले आयोजना गरेको गोष्ठीमा गाउँपालिकाका न्यायिक समितिका पदाधिकारीहरू, मेलमिलापकर्ताहरू, महिला तथा आमा समूह संजालका पदाधिकारी लगाएतको सहभागिता रहेको थियो ।
लैंगिक हिंसाका घटनाहरु न्यूनीकरण गर्दै न्यायपालिकाको कामलाई नागरिकमैत्री बनाउने उद्देश्यले गोष्ठीको आयोजना गरिएको गाउँपालिकाले बताएको छ । गोष्ठीमा स्थानीय सरकार संचालन अभ्यास र अनुभव, लैंगिक हिंसा तथा नयाँ कानूनमा भएका मुख्य ब्यवस्थाहरु, घरेलु हिंसा तथा कानूनी ब्यवस्थाहरु, गाउँपालिकामा लैंगिक हिंसा तथा न्यूनीकरणका लागि भएका सकरात्मक अभ्यासहरु न्यायीक समितिको काम, कर्तब्य, अधिकार तथा लैंगिक हिंसामा न्यायीक समितिको भूमिका, तनाब ब्यवस्थापन लगाएतका विषयहरुमा छलफल भएको छ ।
गोष्ठीलाई सुनापति गाउँपालिका उपाध्यक्ष एवं न्यायीक समितिका संयोजक गीता विष्ट, प्रमुख प्रशासकीय सुनिल निरौला र अधिवक्ता पाण्डव प्रसाई सहजीकरण गरेका थिए ।
यो बारेमा तपाईको प्रतिकृया