मन्थली, ७ असार । स्वस्थ वृद्धावस्थाका लागि योग, भन्ने मूल नाराका साथ १२ औं विश्व योग दिवस आज रामेछापको मन्थलीमा पनि विविध कार्यक्रमका साथ मनाइएको छ ।
जिल्ला स्तरीय योग दिवस मूल समारोह समिति रामेछापको आयोजनामा सम्पन्न उक्त कार्यक्रमका अबसरमा प्रभातफेरी, प्रवचन र योगका विभिन्न नमुना अभ्यासहरुको प्रदर्शन गरी योग दिवस मनाइएको हो ।
योग दिवस मूल समारोह समितिका संयोजक एबं शिक्षा विकास तथा समन्वय इकाई रामेछापका प्रमुख नेत्र प्रसाद गजुरेलको अध्यक्षतामा सम्पन्न उक्त कार्यक्रम समापन गर्ने क्रममा उहाले आफुले योगाभ्यासकै कारण जटिल रोगलाई फर्कन नदिएकोले योगको निक्कै महत्व रहेको बताउनुभयो ।
सो अबसरमा पतन्जली योग समिति र जिवन विज्ञान जिल्ला समितिका सदस्यहरुले योगाभ्यासका विभिन्न आशनहरूको नमूना प्रदर्शन गर्नुभएको थियो ।
कार्यक्रमका अबसरमा बोल्दै शारिरीक र मानसिक तन्दुरुस्तीका लागि योग अत्यावश्यक भएकोले सबैले योगाभ्यासमा सहभागि हुन निमित्त प्रमुख जिल्ला अधिकारी एबं कार्यक्रमका प्रमुख अथिति रामबहादुर केशीले बताउनुभयो ।
यो बारेमा तपाईको प्रतिकृया