रामेछाप १७ पुष । रामेछाप जिल्लाको मन्थली नगरपालिका का नगर प्रमुख रमेश कुमार बस्नेतले नगपालिकालाई सुशासन युक्त बनाउने घोषणा गर्नु भएको छ ।
शुक्रवार मन्थली नगरपालिकाले सुशासन ऐन परिमार्जन गर्न र बिभिन्न कार्यविधिमाथि सरोकार वालाहरुको सुझाव संकलन गर्न आयाेजना गरेकाे एक कार्यक्रमका अबसरमा उहाले सो कुरा बताउनु भएको हो ।
पलिकाले तयार पारेकाे सुशासन ऐन– २०७६ परिमार्जन, सूचना तथा अभिलेख ब्यवस्थापन कार्यविधि –२०७७ र सर्वजनिक जवाफेहिता प्रबर्दन कार्यविधि –२०७७ को मस्यौदामाथि छलफलका क्रममा नगर प्रमुख वस्नेतले सुशासन सम्बन्धी कार्यविधिहरुलाई कार्यपालिका वाट पास गराएर अक्षरस पालना गराउने बताउनु भयो ।
सो अवसरमा बोल्दै अधिवक्ता पाण्डव प्रसाई, नेपाल पत्रकार महासंघ रामेछापका अध्यक्ष रमेश ढुंगेल,गैसस महासघका उपाध्यक्ष रत्न प्रसाद कडेल जिल्ला प्रशासन कार्यालयका प्रशासकिय अधिकृत युवराज गुरागाँई लगाएतले यस अघि बनेका सुशासन ऐन लगाएतका अन्य ऐनहरू कार्यान्वयन हुने नगरेको भन्दै यी ऐनहरू पनि कार्यान्वयनमा आशंका रहेकाेे ब्यक्त गरेका थिए । उनीहरूले सुझाब दिने क्रममा अभिलेख सूचना हस्तान्तरण विधि,बैकल्पिक सूचना अधिकारीको ब्यवस्था, गुनासो सुन्ने अधिकारीको बैकल्पिक गुनासो सुन्ने ब्यवस्था र स्थानीय स्वास्थ्य संस्था र बिद्यालयको समेत गुनासो सुन्ने ब्यवस्था हुनुपर्ने कुरालाई जोड दिएका थिए ।
कार्यक्रमका अबसरमा बोल्दै प्रमुख प्रशासकिय अधिकृत लिलाराज पौडेलले नगरपालिकाले बनाएको ऐन कार्यान्वयनमा शंका नगर्न अनुरोध गर्दै, वडा स्तरका योजनाका उपभोक्ता समितिका पदाधिकारीहरुलाई अभिमुखीकरण गर्ने काम धमाधम भैरहेको, ५ लाख भन्दा माथिका योजनाहरुको होर्डिङ बोर्ड राख्न अनुरोध गरिएको बताउनुभयाे । उहााँले आाफ्नाा कर्ममचारी प्रती लक्षिित गर्दैै सबैैैैकाे नियत सफा हुनुपर्ने कुरालाई जोड दिनुभयो । पालिकाले यहि पुष २८ गते हुने नगर सभावाट यी ऐनहरु पास गरी कायान्वयनमा ल्याउने तयारी गरिरहेको छ ।
यो बारेमा तपाईको प्रतिकृया