रामेछाप ३० मंङसिर । प्रेस काउन्सिल नेपालका सदस्य चेतनाथ धमलाले पत्रकार आचार संहिता बिपरित काम गर्ने पत्रकार र सञ्चार सञ्चार गृह लाई कार्वाहि हुने बताउनु भएको छ ।
सो कुरा उहाले सोमबार मन्थलीमा नेपाल पत्रकार महासंघ सँगको समन्वयमा प्रेस काउन्सील नेपालको आयोजनामा मन्थलीमा सम्पन्न पत्रकार आचार संहित र कोभिड १९ ले मिडियामा पारेको प्रभाव बिषयक अन्तरकृया कार्यक्रमका अबसमार बताउनु भएको हो । उहाले आचार संहिता बिपरीत समाचार प्रकाशन र प्रसारण गर्ने सञ्चार माध्यमहरुलाई यस अघि पनि कार्बाहि भैरहेको र आगामी दिनमा पनि जारी रहने बताउनु भयो ।
उहाले पत्रकार हरुले आफ्नो आचार संहिता नाघ्न नहुने भन्दै सबै पत्रकारहरुलाई अचार संहितामा रहेर काम गर्न पनि आग्रह गर्नुभयो ।
प्रेस काउन्सील नेपालका निबर्तमान सदस्य एबं सञ्चार बिज्ञ इश्वरी ओझाले प्रेस काउन्सिल यस्तो सस्था हो जसले राम्रो काम गर्ने पत्रकाहरुलाई धन्यवाद दिने र नराम्रो काम गर्ने पत्रकार वा सञ्चार गृहहरुलाई कार्वाहि गर्ने एक मात्र संबैधानिक निकाय भएको बताउनु भयो ।
उहाले काउन्सिलले बिभिन्न जिल्लामा पत्रकार आचार संहिताका बारेमा जानकारी गराउदै हिडिरहेको भन्दै आचार संहिता बिपरीत काम गर्ने जुनसुकै पत्रकार वा सञ्चार गृहको बारेमा प्रेस काउन्सिलमा उजुरी गर्न पनि आग्रह गर्नुभयो ।
नेपाल पत्रकार महासंघ रामेछापका अध्यक्ष रमेश ढुंगेलको अध्यक्षता एबं जिल्ला समन्वय समितिका प्रमुख प्रेम बहादुर खड्काको प्रमुख आतिथ्यतामा कार्यक्रम सम्पन्न भएको थियो ।
सो अबसरमा बोल्दै प्रमुख खड्काले मिडियामा आएको कुरा सबैले सत्य तथ्य भनेर मान्ने भएको हुदा भ्रामक र कपोकल्पीत समाचारहरु नलेख्न पत्रकारहरुलाई आग्रह गर्नुभयो ।
मन्थली नगरपालिकाका प्रमुख रमेश कुमार बस्नेतले पत्रकार हरुले पनि आफ्नो आचार संहितामा बस्नु पर्ने भन्दै केहि पत्रकारहरुले आचार संहिता नाघेर काम गर्ने गरेकोमा दुख ब्यक्त गर्नुभयो । उहाले भन्नुभयो म पत्रकाहरुका लागि जस्तो सुकै सहयोग गर्न तयार छु तर ब्यक्तिलाई भन्दा संस्थागत सयोग गर्न रुचाउछु उहाहरुले पनि आफ्नो आचार संहिता नाघेर काम गर्नु भएन ।
कार्यक्रमका अबसरमा । प्रेस काउन्सिल नेपालका सूचना अधिकारी रामशरण बोहोरा ले पत्रकार आचार संहिता का वारेमा जानकारी दिदै हाल सम्म अचार संहिता उल्लङघन गर्ने सञ्चार गृह हरु र उनीहरुलाई गरेको कार्वाहि का वारेमा जानकारी गराउनु भएको थियो ।
सो अवसरमा सहायक प्रमुख जिल्ला अधिकारी बेद प्रसाद अर्याल, रामेछाप उद्योगबाणिज्य संघका अध्यक्ष केशव प्रसाद घिमिरे र कार्यक्रमममा सहभागि पत्रकार हरुले राखेको जिज्ञासाको जवाफ काउन्सिलको तर्फबाट दिइएको थियो ।
यो बारेमा तपाईको प्रतिकृया