रामेछाप, २३ मंसिर । नेपाल आदिवासी जनजाति पत्रकार महासंघ (फोनिज) रामेछापको अध्यक्षमा कुमार श्रेष्ठ निर्बाचित हुनुभएको छ ।
रामेछापको मन्थलीमा विहिबार सम्पन्न फोनिजको चौथो जिल्ला अधिबेशनले श्रेष्ठलाई अध्यक्षमा निर्विरोध निर्बाचित गरेको हो ।
फोनिज रामेछापका अध्यक्ष नवराज श्रेष्ठको अध्यक्षतामा सम्पन उक्त कार्यक्रको उद्घाटन जिल्ला समन्वय समिति रामेछापका प्रमुख प्रेम बहादुर खड्काले गर्नु भएको थियो ।
कार्यक्रमका अवसरमा प्रमुख अतिथि खड्का ,मन्थली नगरपालिकाका प्रमुख रमेश कुमार बस्नेत, प्रमुख जिल्ला अधिकारी दिपक पहाडी, फोनिज बागमति प्रदेशका उपाध्यक्ष युवराज श्रेष्ठ,नेपाल पत्रकार महासंघ बागमती प्रदेशका कोषाध्यक्ष रमेश ढुंगेल, जिल्ला अध्यक्ष बद्री नयाँघरे, प्रेस चौतारी समाजवादिका केन्द्रीय सदस्य कैलाश खत्री, प्रेस चौतारीका जिल्ला अध्यक्ष युनिक बिफा घिसिङ, नेपाल प्रेस युनियनका अप्रिल अधिकारी लगाएतले आ –आफ्नो मन्तब्य राख्नु भएको थियो । सो अवसरमा फनिजका निबर्तमान अध्यक्ष सुमित श्रेष्ठले जिल्लाको फोनिजको बस्तुस्थितिका बारेमा जानकारी गराउनु भएको थियो । बन्दसत्रले आर्थिक र संगठनिक प्रतिबेदन समेत पास गरेको छ ।
यो बारेमा तपाईको प्रतिकृया