चौतारीमा नवराज

रामेछाप ,२९ माघ प्रेस चौतारी नेपाल रामेछापको अध्यक्षमा नवराज श्रेष्ठ निर्बाचित भएका छन् ।
चौतारीको शनिवार मन्थलीमा सम्पन्न चौथो जिल्ला अधिबेशनले श्रेष्ठको नेतृत्वमा नयाँ कार्यसमिति निर्बिरोध निर्वाचित गरेको हो ।

यसरी निर्वाचित हुनेहरुमा उपाध्यक्ष द्वय– बिष्णु खड्का र सुमित्रा तामाङ सचिवमा निरोज थापा, सह –सचिवमा शंकर बरुवाल र दिपक तामाङ, कोषाध्यक्षमा सीता पुरी, लगाएतका रहेका छन् ।
संस्थाका अध्यक्ष बिफा घिसिङको अध्यक्षतामा सम्पन्न उक्त अधिवेशनको उद्घाटन केन्द्रीय अध्यक्ष गणेश बस्नेतले गर्नुभएको थियो ।
सो अबसरमा बोल्दै प्रमुख अतिथि बस्नेतले पत्रकारीता गर्ने हरुले राजनिति बाट माथि उठ्न आबश्यक रहेको बताउनुभयो । उहाँले ब्यवसायीक पत्रकारहरुको बिकासका लागि प्रेस चौतारीको अभियान जारी रहेको भन्दै पत्रकार महासंघले हाल सम्म गरेको काम प्रति आफ्नो संगठन असन्तुष्ट रहेको बताउनुभयो । उहाले महासंघले गरको काम संस्थागत नभएको आरोप लगाउनु भयो ।

कार्यक्रमका बिशिष्ट अतिथि कैलाश प्रासद ढुंगेलले आफु एमालेको मात्र नभएर सिंगो जिल्लाको नेता भएकोले सबै पार्टि सँग समन्वय गरेर काम गरीरहेको बताउनुभयो । उहाले आगामी बैशाखमा हुने स्थानीय तहको निर्बातनमा आठ ओटै पालिकामा आफ्नो पार्टिका उमेद्वार बिजयी हुने दाबी गर्नु भयो । उहाले देश बिकासका लागि एमालेको बिकल्प नरहेको पनि बताउनुभयो । ढुंगेलले आफु प्रदेशको आर्थिक मामिला मन्त्री हुँदा जिल्लाको बिकासमा उल्लेख्य योगदान गरेको भन्दै सबैले सहयोग गर्न आग्रह समेत गर्नुभयो । कार्यक्रमका अबसमार नेकपा एमालेका उप सचिब प्रकाश कुमार कार्की, नेपाल पत्रकार महासंघ रामेछापका अध्यक्ष बद्री नयाँघरे र प्रेस युनिय रामेछापका अध्यक्ष अप्रिल अधिकारी लगाएतले आ–आफ्नो मन्तब्य राख्नु भएको थियो । कार्यक्रमका अबसरमा चौतारीले पत्रकार नवराज पथिकलाई सम्मान गरेको थियो