तोडियो अनसन

रामेछाप,३१ जेठ । नेपाली काँग्रेस जिल्ला कार्य समिति रामेछापको कार्यालय (वि.पि.स्मृति भवन) परिसरमा नेविसंघको एक समुहले गरेको रिले अनशन तोडिएको छ ।

ब्यानर र आफ्ना मागहरु सहित मंगलबार विहनबाट पार्टिकार्यालयको मुल ढोका अगाडि ७ जना युवाहरुले आलो पालो प्रणाली द्वारा रिले अनसन शुरु गरेका थिए ।

विभिन्न ७ बुँदे माग सहित अनसनमा बसेकाहरुले नेविसंघको जिल्ला नेतृत्व र त्यसको बैधानिकता र अधिबेशनको माग अनि विधान विपरीत पार्टी नेतृत्वको सिफारिस तथा नेतृत्व चयनको गलत प्रक्रिया र नेपाली काँग्रेस जिल्ला कार्यसमिति रामेछाप मनोमानी ढंगले संञ्चालन गरिऐको भन्दै त्यस विरुद्धमा रिले अनसन सूरु गरिएको बताइएको छ ।
पार्टिका सह महामन्त्री र नेविसंघका पूर्व उपाध्यक्ष रत्न कार्कीनै आएर आफ्ना मागहरु सम्बोधन गर्ने आस्वासन पाएपछि आफुले रिले अनसन तोडेको नेविसंघका नेता मनिष बहादुर चौहानले बताउनुभयो ।

उनीहरुले पर्टिले गत स्थानीय निर्वाचनमा विधान संम्बत संसदीय बोर्ड गठन नगरी आर्थिक लेनदेनको आधारमा गैर काँग्रेसलाई टिकट वितरण गर्दा पार्टीले पराजय भोग्नु परेको आरोप पनि आफनो माग पत्रमा लगाएका थिए ।