रामेछाप,७ साउन । नेपाली काँग्रेसका केन्द्रीय सदस्य एवं काँग्रेस बागमती प्रदेशका प्रमुख सचेतक कुन्दनराज काफ्लेले देश विकासको लागि खेलकुदको विकास आवश्यक रहेको बताउनु भएको छ । खेलको विकास विना देशको विकास सम्भब नहुने भएकोले अनुशासन र स्वास्थ्यका लागि पनि नेविसंघले खेलकुदको क्षेत्रलाई महत्व दिइरहेको बताउनुभयो ।
सदरमुकामा मन्थलीमा रहेको मन्थली माविको (सिटिइभिटी) नेविसंघ इकाई समितिद्धारा वि.पी स्मृति दिवसका अवसरमा आयोजित मन्थली नगर स्तरीय अन्तर मावि पुरुष फुटबल प्रतियोगिता विपी स्मृति कप–२०८०को आईतबार मन्थली माविको खेल मैदानमा उद्घाटन गर्ने क्रममा प्रमुख अतिथि काफ्लेले सो कुरा बताउनुभएको हो ।
पार्टीको केन्द्रीय सदस्य समेत रहेका काफ्लेले नेपाली काँगे्रस स्पष्ट दृष्टिकोण र नीतिका आधारमा चल्ने पार्टि भएकोले उसले आफ्नो केन्द्रीय समितिको बैठकको प्रत्यक्ष प्रसारण गरेर नयाँ कामको सुरुवात गरेको पनि बताउनुभयो । उहाँले बैठकको प्रत्यक्ष प्रसारण गरेर जनतालाई पार्टीमा भएका गतिविधि बारे स्पष्ट बुझ्ने बाटो कांग्रेसले बनाइदिएको दाबी पनि गर्नु भयो ।
नेपाली काँग्रेसले १० वर्ष देश चलाउने हो भने देशलाई समृद्ध र विकसित मुलुक बनाउने सक्ने पनि उनले दावी गर्नुभयो । काँग्रेसबाट मात्र देशको विकास सम्भव रहेको भन्दै काँग्रेसले मात्रै देशलाई समृद्ध पार्ने उहाको भनाई छ ।
नेता काफ्लेले पछिल्लो समयमा देशका हरेक क्षेत्रमा भ्रष्टाचार, बेथिति बढेको भन्दै भने ‘आफ्ना नाउँमा, नाताको नाउँमा, धर्मका नाउँमा,पार्टी अनि नातागोताका नाउँमा गरिने संरक्षणको अन्त्य नभए सम्म बेथिति संस्थागत भई रहने दावी गर्नुभयो ।
नेविसंघ ईकाई सभापति गौरव न्यौपानेको अध्यक्षतामा भएको उद्घाटन कार्यक्रममा रामेछाप काँग्रेसका नेता एवं रामेछाप नगर प्रमुख लब श्री न्यौपानेले पनि स्वस्थयका लागि खेलकुद अत्यन्तै आबश्यक भएकोल स्थानीय पालिकाहरुले पनि खेल क्षेत्रलाई अत्यन्तै महत्व दिने गरेको बताउनुभयो । कार्यक्रमका अबसरमा नेविसंघका जिल्ला अध्यक्ष विनोद बुढाथोकी लगायतले पनि शुभकामना मन्त्ब्य राख्नु भएको थियो । प्रतियोगितामा मन्थली नगर भित्र रहेका मावि हरु विच प्रतिस्पर्धा हुने आयोजक पक्षले जनाएको छ । विजयी हुने टिमलाई मेडल,नगद र ट्रफिको पनि ब्यबस्था गरिएको पनि आयोजकले वताएको छ ।
यो बारेमा तपाईको प्रतिकृया