३२ साउन, २०७६
दोरम्बा- २०६० सालमा युद्धबिराम भइ हापुरेमा बार्ता चलिरहेका बेला तत्कालिन राज्य पक्षद्धारा रामेछापको दोरम्बामा हत्या गरिएका २१ जना (तत्कालिन बिद्रोहि पक्ष) ने.क.पा माओवादीका कार्यकर्ताहरुको (सहिद) शालिक निर्माण गरी शनिबार १६ औँ स्मृति दिवसको दिन अनावरण गरिएको छ ।
१६ वर्ष पछि बनेका शालिक नेकपाका ३ नं प्रदेशका सह इन्चार्ज हितमान तमाङ र मृतकका परिवारहरुले संयुक्त रुपमा गरेका छन् ।
नेकपाका जिल्ला अध्यक्ष मैन कुमार मोक्तानको अध्यक्षतामा सम्पन्न कार्यक्रममा सह इन्चार्ज हितमान तमाङ, ३ नं प्रदेशका सचिब आनन्द पोखरेल र नेकपा ललितपुरका नेता हरि प्रसाद दाहाल लगाएतले उनीहरुले पार्टिप्रति देखाएको बलिदानीको चर्चा गर्दै तत्कालिन अबस्थामा सरकारले गरेको ज्यादतीको बिरोध गरेका छन् ।
२०६० साल साउन ३२ गतेकै दिन दोरम्बाको एउटा घरमा पार्टीको आन्तरिक बैठक बसेका ३३ जना माओवादी कार्यक्रर्ताहरुलाई नेपाली सेनाले घर घेरा हालि पक्रने क्रममा ११ जना कार्यकर्ताहरु भागेर बाच्न सफल भएका र बाँकी २१ जनालाई त्यहाबाट पक्रेर निर्मम यातना दिदैँ डडुवाको डाँडाकटेरी भन्ने स्थानमा लगि सामुहिक गोलि हानी हत्या गरेको नेकपाका जिल्ला इन्चार्ज देवशंकर पौडेलले बताउनुभयो ।
शालिक अनावरण गर्न नेकपाका अध्यक्ष पुष्पकमल दाहाल (प्रचण्ड) दोरम्बा आउने कार्यक्रम रहेको भएपनि खराब मौसमका कारण उहाँ आउन नसक्नु भएको नेकपाका सचिब शान्ति प्रसाद पौडेलले जानकारी दिनुभयो ।
यो बारेमा तपाईको प्रतिकृया