धोविमा अरनिको र गणेश हिमाल तराई यातायातका सह चालक विच कुटाकुट

रामेछाप,१७ मंसिर । रामेछापको धोबीमा अरनिको यातायात र गणेश हिमाल तराई यातायातका सहचालक बिच कुटाकुट भएको छ ।
काठमाण्र्डौबाट धोबी हुदै खिजीफलाटे जाँदै गरेको पूर्व अरनिको यातायात सेवा समितिको बा ५ ख ५८१७ नम्बरको बसका सहचालकले ओखलढुङ्गाबाट काठमाडौँ हिँडेको प्रदेश–३–०१–००५ ख ९९७२ नम्बरको गणेश हिमाल तराई यातायातको बसका सहचालकलाई एक्कासी कुटपिट गरेका थिए । सो वसमा यात्रा गर्ने यात्रीहरुका अनुसार अरनिको गाडीका मान्छे आएर यो गाडीका सहचालकलाई ढोका खोलेर धमाधम कुटपिट गर्न थाले के कारणले हो हामिले थाहा पाएनौ ।
आइतबार बिहान ११ बजे तिर लिखु तामाकोशी गाउँपालिकाको धोबी बजारदेखि झन्डै १ किलो मिटर अगाडि हो । स्रोतका अनुसार अरनिको यातायातले गणेश हिमाल तराई यातायातको बसलाई भेटने बित्तिकै साइड नदिएको र साइड नदिएका कारण हिमाल तराईको वसले धेरै पटक प्रेसर हरन वजाएर ध्वनी प्रदुषण गरेको आरोपमा अरनिको यातायातका सहचालकले गणेश हिमाल तराइ यातातातका सहचालकालाई कुटपिट गरेको खुलेको छ । कुटाकुट गर्ने दुबै बसका सह चालकहरुलाई वस सहित नियन्त्रणमा लिएर जिल्ला प्रहरी कार्यालय रामेछापले अनुसन्धान सुरु गरेको छ ।