मन्थली,३ बैशाख । मन्थली ,३ बैशाख । रामेछाप जिल्लाको खाँडादेवी गाउँपालिका वडा नं–३ भिरपानीमा मोटरसाईकल दुर्घटना हुँदा मोटरसाइकलमा सवार १ जानाको मृत्यू भएको छ ।
यसरी मृत्यू हुनेमा मन्थली नगरपालिका वडा नं–२ कठजोर बस्ने बर्ष २६ का अशोक नेपाली रहेका छन् ।
बा ८९ प ४३८२ नं को मोटरसाईकल चालक नेपालीको उपचारका क्रममा सिन्धुलीको खाल्टे अस्पतालमा मृत्यू भएको रामेछाप जिल्ला प्रहरी प्रमुख प्रदिप कुमार सिङ ले बताउनुभयो ।
सोमबार दिउसो गोगनपानी बाट काठमाण्डौ जादै गरेको मोटरसाईकल भिरपानी चारघरे चोक नजिकै आफै अनियन्त्रित भई सडकबाट करिब ५० मिटर तल खसेको थियो । दुर्घटनामा परेका चालक नेपालीको टाउकोमा गहिरो चोट लागेको थियो ।
मोटरसाईकलमा पछाडी सवार दोलाखा जिल्लाको मेलुंङ गाउँपालिका २ घ्याङ बस्ने सन्जित दर्जिको अवस्था भने सामान्य रहेको पनि प्रहरी नायव उपरीक्षक प्रदीप कुमार सिंहले बताउनुभयो ।
यो बारेमा तपाईको प्रतिकृया