राष्ट्रपति रनिङ्ग शिल्ड मन्थली नगरपालिकाले उचाल्यो

मन्थली,३० माघ । रामेछापको मन्थलीमा बुधबार सम्पन्न १२ औं राष्ट्रपति रनिङ्ग शिल्ड प्रतियोगिताको उपाधि मन्थली नगरपालिकाले उचालेको छ ।
प्रतियोगितामा उमाकुण्ड गाँउपालिका द्वितिय र लिखु तामाकोशी गाँउपालिका तृतिय भएका छन् ।
मन्थली नगरपालिका २२ स्वर्ण २३ रजत र ३२ गरी प्रथम भएको हो भने २१ स्वर्ण, १२ रजत, १२ कास्य सहित उमाकुण्ड गाँउपालिकाले द्वितिय स्थान हासिल गरेको थियो भने ८ स्वर्ण, ४ रजत र ५ कास्य सहित लिखु तामाकोसी गाँउपालिका तृतिय भएको हो ।
खेलकुदका विजयी प्रतियोगीहरूलाई शिल्ड मेडल, ट्रफी र प्रमाणपत्र वितरण गरिएको थियो ।
प्रतियोगितामा भलिवल, एथलेटीक्स,कबर्दी जस्ता खेलहरु खेलाइएको जिल्ला खेलकुद विकास समिति रामेछापका अध्यक्ष सिताराम कार्कीले बताउनुभयो ।
३ दिन सम्म चलेको उक्त प्रतियोगिता अबधिमा गरिएको मार्चपास रामेछाप नगरपालिकाले जितेको थियो ।
जिल्लामा रहेका ८ वटा पालिकाका ४ सय भन्दा बढि विद्यार्थीहरुले भाग लिएका थिए ।
सम्बन्धित पालिकाका माध्यामिक तह का १८ वर्ष सम्मका विद्यार्थीहरु सहभागि गराइएको सो प्रतियोगितामा आफ्नो विजय पछि मन्थली नगरपालिकाले बाजागाजा सहित विजय रयाली गरेको थियो ।