मन्थली,२७ माघ । रामेछापको मन्थली नगरपालिका वडा न ं–६ मा भएको दुर्घटनामा परी मृत्यू हुनेको संख्या १२ पुगेको छ भने ८ जना घाइते भएका छन । मृत्यु हुनेमा ५ जना महिला ७ जना पुरुष रहेका छन् ।
प्रहरी प्रमुख भोला भट्टका अनुसार मृत्यू हुनेमा रामेछापको लिखु तामाकोशी गाँउपालिका वडा नं –७ का ३६ बर्षिय भिम ब. तामाङ, सोही वडाका बर्ष ३५ की सानुमाया तामाङ, बर्ष १६ कि रमिता तामाङ, वर्ष ३१ की तारा तामाङ रहनु भएको छ । त्यसैगरी भिमेश्वर न पा वडा नं –७ बस्ने बर्ष २५ की बबि तामाङ, सोही वडाका वर्ष २६ का दिपेन्द्र बस्नेत, सोही पालिका वडा नं–६ का बर्ष २८ का दिपेश बस्नेत रहेका छन् ।
त्यसैगरी गोलन्जोर गाँउपालिका –६ सिन्धुली का ३४ बर्षिय शिब श्रेष्ठ, र भिमेश्वर न पा –८ दोलखाका ६० बर्षिया मान बहादुर तामाङ रहेका छन् । ३ जनाको भने अझै सनाखत हुन बाँकी रहेको छ ।
त्यसैगरी घाइते हुनेहरुमा रामेछाप जिल्ला मन्थली नगरापलिका वडा नं –११ बस्ने अन्दाजी ३१ बर्षका चालक सुशान्त थापा मगर, खाँडादेवी गाँउपालिका वडा नं –३ का २१ बर्षिया समिर श्रेष्ठ, ओखलढुंगा खिजिदेम्बा गाँउपालिका वडा नं–२ का ४५ बर्षिय जय बहादुर तामाङ्ग, दोलखा जिल्ला भिमेश्वर न.पा वडा नं ७ बस्ने बर्ष १६ कि निलिमा तामाङ्ग । उमाकुण्ड गाँउपालिका वडा नं–७ बस्ने ६ बर्षिय निश्मा शेर्पा, सोही ठाँउ बस्ने बर्ष ५२ का सोम देण्डी शेर्पा, मन्थली न.पा वडा नं १२ बस्ने ३३ बर्षिया देवकी खड्का र लिखु तामाकोशी गाँउपालिका वडा नं –४ बस्ने ५१ बर्षिय ओलक बहादुर थापा रहेका छन् । घाइते मध्ये ७ जनालाई थप उपचारका लागि काठमाण्डौ पठाइएको छ भने चालक सामान्य उपचार पछि प्रहरी हिरासतमा छन् ।
काठमाण्डौ बाट ओखलढुंगाको बल्थलिका लागि छुटेको बा प्र ००१– ०५ख ९९७५ नं को अरनिको यातायात सेवा प्रालिको बस मन्थली– ६ स्थित मसानटारनजिक भएको दुर्घटना भएको थियो ।
बस चालक लाई भने प्रहरीले नियन्त्रणमा लिएको प्रहरी नायब उपरीक्षक भोला भट्टले वताउनुभयो ।
बस सडकबाट करिब १०० मिटर तल तामाकोशी नदीमा खसेकोले अझै खोजतलाश जारी रहेको छ ।
यो बारेमा तपाईको प्रतिकृया