मन्थली,२७ माघ । नेपाली काँग्रेस रामेछापका प्रतिनिधि सभा सदस्यका उमेद्वार रामचन्द्र खड्काले आज बिहान रामेछाप को मन्थली नगरपालिका वडा नं–६ स्थित त्रिवेणी नजिकै भएको बस दुर्घटना प्रति शोक विज्ञप्ती प्रकाशन गर्नु भएको छ ।
खड्का द्धारा हस्ताक्षरित विज्ञप्तीमा साे ठाँउमा भएको दर्दनाक दुर्घटनामा १२ जनाले ज्यान गुमाएको दुःखद खबरले आफु अत्यन्तै मर्माहित भएको उल्लेख गर्नु भएको छ ।
विज्ञप्तीमा यस हृदयविदारक दुर्घटनामा ज्यान गुमाउनु भएका सम्पूर्ण दिवङ्गत आत्माप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना प्रकट गरेको साथै यस कठिन घडीमा घाइतेहरूको शीघ्र स्वास्थ्यलाभको कामना गरिएको कुरा पनि उल्लेख छ ।
उहाँले विज्ञप्तीमा यस प्रकारका दुर्घटनाहरूले हाम्रो समाजलाई गहिरो पीडा दिने भएकाले यातायात सुरक्षाका विषयमा सम्बन्धित निकायको गम्भिर ध्यान जानु आवश्यक पर्ने र दुर्घटनाका कारणहरूको यथाशीघ्र छानबिन गरी दोषीमाथि कारबाही तथा पीडित परिवारलाई उचित राहत र सहयोग उपलब्ध गराउन आफुले सम्बन्धित सबै निकायसँग जोडदार माग गरेको कुरा पनि उल्लेख छ ।
उक्त बिज्ञप्तिमा यस शोकको घडीमा पीडित परिवारसँग नेपाली काँग्रेस रामेछाप सधैं साथमा रहने प्रतिबद्धता समेत व्यक्त गरिएको छ ।
यस अघि उक्त घटनाको बारेमा नेपाली काँग्रेस केन्द्रिय समितिले पनि शोक विज्ञप्ती जारी गरी उक्त दुर्घटना प्रति दुःख ब्यक्त गरेको थियो ।
यो बारेमा तपाईको प्रतिकृया