मन्थली,२८ माघ । रामेछापको मन्थली नगरापलिका वडा नं– ६ त्रिवेणी पुल नजिक मंगलवार भएको बस दुर्घट्नामा परी तीन जना अझै बेपत्ता रहेका छन् ।
जिल्ला प्रहरी कार्यालय रामेछापका सूचना अधिकारी राजन प्रसाद तिम्सिनाले बुधवार साँझ निकालेको विज्ञप्ति अनुसार यसरी बेपत्ता हुनेहरुमा रामेछाप जिल्ला मन्थली नगरपालिका वडा नं–२ पिप्ले का ९ बर्षिय क्रिचन तामाङ, लिखु तामाकोसी गाँउ पालिका वडा नं –७ तिल्पुङ का बर्ष ८ का रोनिश तामाङ र उमाकुण्ड गाँउपालिका वडा नं –६ गुप्तेश्वरका वर्ष २४ का बिशाल सुनुवार रहेका छन् ।
मंगलबार काठमाण्डौ बाट ओखलढुंगाको बल्थलिका लागि छुटेको बा प्र ००१– ०५ख ९९७५ नं को अरनिको यातायात सेवा प्रालिको बस मन्थली– ६ स्थित त्रिबेणी पुल नजिकको सडकबाट करिब १ सय मिटर तल तामाकोशी नदीमा खस्दा १२ जनाको घटनास्थलै मृत्यू भएको थियो भने ८ जना घाइते भएका छन् ।
घाइतेहरुलाई मंगलार नै थप उपचारका लागि काठमाण्डौ पठाइएको छ भने मृत्यू पश्चात सनाखत भएका १२ जनाको सव अझै पोष्टमार्टम हुन सकेको छैन् ।
प्रति मृतक २५ लाखका दरले क्षतिपूर्ति दिइनु पर्ने, मृतकका छोराछोरीलाई निःशुल्क पढाइदिनुपर्ने, आश्रित परिवारलाई रोजगारी दिइनुपर्ने साथै घाइतेहरुको उपचार निःशुल्क हुनुपर्ने माग राख्दै बुधावर दिनभर यातायात बन्द सहित मन्थली अस्पताल क्षेत्र र जिल्ला प्रशासन कार्यालय परिसर तनाब ग्रस्त बनेको थियो ।
स्थितिलाई नियन्त्रणमा लिन जिल्ला प्रशासन अगाडि का प्रदर्शनकारीलाई प्रहरीले ३ राउण्ड अश्रुग्यास र एकराउण्ड हवाइ फाएर गरको थियो ।
प्रहरी प्रमुख भोला भट्टका अनुसार बुधवार राति १०ः०० बजे सम्म पनि जिल्ला प्रशासन कार्यालय परिसर तनाव ग्रस्तनै रहेको छ ।
यो बारेमा तपाईको प्रतिकृया