कुमार श्रेष्ठ,
रामेछाप- रामेछापको दोरम्बा गाउँपालिका वडा नम्बर १ डडुवाका राङदान तामङको मोटरसाईकल दुर्घटनामा परी ज्यान गएको छ । मन्थलीबाट खाँडादेबीको राकाथुम हुँदै घर जाने क्रममा शनिबार बिहान राकाथुमको खारेपाखोमा प्रदेश नम्बर ३–०२००१ प ५१०५ को मोटरसाइकल दुर्घटनामा परी तामाङको ज्यान गएको घटनास्थलमा रहनुभएका दिल बहादुर श्रेष्ठले जानकारी दिनुभयो ।
श्रेष्ठका अनुसार दुर्घटनामा परि मोटरसाइकलको पछाडी बस्ने दोलखाका कृष्ण बहादुर कार्की पनि घाइते हुनुभएको छ । दुर्घटनाको बारेमा जानकारी पाउन साथ दुर्घटना स्थलमा प्रहरी पुगीसकेको रामेछापका प्रहरी प्रमुख सन्तोष भट्टराईले बताउनुभयो । तामाङ गाउँमै किवी खेती गरेर व्यवसायिक रुपमा कृषि उद्यममा लाग्नु भएको थियो ।
यो बारेमा तपाईको प्रतिकृया