२४ जेठ, २०७६
रामेछाप– रामेछापको उत्तरी क्षेत्रमा पर्ने उमाकुण्ड गाउँपालिकाको वडा नम्बर ३ कुबुकास्थलीको अजमडाँडाबाट प्याराग्लाइडिङ उडान सफल भए पछि गाउँपालिकाले प्याराग्लाइडिङ मार्फत आनन्द लिन उमाकुण्ड गाउँपालिकामा आउन अनुरोध गरेको छ ।
बुधबार वडा नम्बर ३ कुबुकास्थलीको अजमडाँडाबाट प्याराग्लाइडिङ उडान परीक्षण उद्घाटनको लागि उडान भर्नुभएका गाउँपालिका अध्यक्ष शेरबहादुर सुनुवारले प्याराग्लाइडिङ मार्फत उमाकुण्ड गाउँपालिका र आसपासका जिल्लाहरूको मनोरम दृश्य अवलोकन गर्नको लागि भिडियो सन्देश मार्फत उमाकुण्डमा आउन अनुरोध गर्नुभएको हो ।
करिब आधा घण्ट आकाशमै रहनु भएका अध्यक्ष सुनुवारले गाउँपालिकाको सातै ओटा वडाहरूको अवलोकन गर्नुभएको थियो । अजमडाँडाबाट उडेको प्याराग्लाइडिङ चरममा अवतरण गरिएको थियो ।
यो बारेमा तपाईको प्रतिकृया