रामेछाप, १७ पुष । नयाँ वर्ष इस्वी सम्बत २०२२ को अवसर पारेर ब्रम्हाकुमारी राजयोग सेवा केन्द्र मन्थलीले स्नेहमिलन कार्यक्रमको आयोजना गरेको छ ।
ब्रम्हाकुमारी राजयोग सेवा केन्द्र रामेछापकी प्रमुख संञ्चालिका सीता दिदीको अध्यक्षता एबं प्रमुख जिल्ला अधिकारी दिपक कुमार पहाडीको प्रमुख आतिथ्यतामा कार्यक्रम सम्पन्न भएको थियो ।
कार्यक्रमका अबसरमा बोल्दै प्रजिअ पहाडीले यस्तो पबित्र कर्ममा लाग्ने मानिसहरु सधै अनुसाशित हुने हुँदा यो कर्ममा लाग्न सबैलाई अनुरोध गर्नुभयो ।
उहाले नयाँ वर्ष २०२२ र राष्ट्रिय ढाकाटोपी दिवसको अबसरमा जिल्लावासी सबैलाई शुभकामना पनि ब्यक्त गर्नुभयो । सो अबसरमा नेपाली काँग्रेसका नेता कुमार श्रेष्ठ, नेकपा माओवादीका नेता दिपक राज प्रसाई, शसस्त्र प्रहरी नायव उपरिक्षक केशव राज प्याकुरेल,जनपद प्रहरी नायव उपरीक्षक नवराज ढुंगाना, पत्रकार महासंघका अध्यक्ष बद्री नयाँघरेलगाएतले शुभकामना मन्तब्य राख्नु भएको थियो ।
ब्रम्हकुमार भरत श्रेष्ठ र कार्यक्रमकी अध्यय सीता दिदीलेले स्नेह मिलन कार्यक्रमको औचित्यका वारेमा जानकारी गराउनु भएको थियो । सो अवसरमा स्थानीय पम्फा श्रेष्ठ को ८४ औ बर्षगाठ समेत मनाइएको थियो ।
यो बारेमा तपाईको प्रतिकृया