रामेछापबाट समानुपातिकमा ३ पार्टिका ९ जनाको नाम बन्द सूचिमा

रामेछाप,२५ आसोज । आसन्न प्रतिनिधि सभा तथा प्रदेश सभा निर्वाचनका लागि रामेछापबाट समानुापतिकमा नेपाली काँग्रेस, नेकपा एमाले र नेकपा माओवादी केन्द्रको तर्फबाट प्रतिनिधि सभा र प्रदेश सभा गरी ९ जना नेताको नाम बन्द सूचिमा परेको छ ।
नेपाली काँग्रेको तर्फबाट प्रतिनिधि सभाका लागि दलित कोटा बाट मुक्त बहादुर महतेको नाम बन्द सूचिमा र प्रदेश सभाका लागि उज्वल राम घिमिरेको नाम परेको छ ।
त्यसैगरी नेकपा एमालेको तर्फबाट प्रतिनिधि सभामा. नाम्गेल लामा शेर्पा, को नाम छ भने प्रदेश सभामा जिल्ला अध्यक्ष आनन्द श्रेष्ठ, महिला नेतृ माया कुमारी कार्की र हर्क माया माझीका नाम सूचिमा परेको बुझिएको छ ।
यसैगरी नेकपा माओवादी केन्द्रको तर्फबाट प्रतिनिधि सभामा सुनिता गौतमको नाम छ भने गंगा बुढाथोकी र केशर कालिकोटेको नाम प्रदेश सभाको सूचिमा परेको माओावादी केन्द्रका नेता प्रेम बहादुर थापाले जानकारी दिनुभयो ।
पार्टिहरुले सूचिमा पारेका नाम मध्ये प्रतिनिधि सभा र प्रदेश सभामा प्राप्त समानुपातिक मतका आधारमा सूचि अनुसारका नेताहरु सांसद बन्ने नबन्ने टुंगो लाग्ने छ ।