दुईजनाको मात्र उमेद्वारी फिर्ता, अरुको कायमै

रामेछाप ,२६ असोज । नजिकिदै गइरहेको प्रतिनिधि सभा र प्रदेश सभा निर्वाचनका लागि प्रतिनिधि सभा प्रदेश “क” र “ख” वाट उमेद्वारी दर्ता गराएका नेकपा माओवादी केन्द्रका बागी उमेद्वार क्रमशः रबिन्द्र पौडेल र डिल्लीमान तामाङले आफ्नो उमेद्वारी फिर्ता लिएका छन् । उनीहरु दुबैजना नेकपा माओवादी केन्द्रका जिल्ला नेता हुन् ।

बुधवार १ बजे सम्म रहेको मनोनयन फिर्ताको समयमा २ जनाले मात्र आफ्नो उमेद्वारी फिर्ता लिएको मुख्य निर्वाचन अधिकृतको कार्यायले जनाएको छ ।
यी बाहेक अब जिल्लाको प्रतिनिधि सभामा २२ जना , प्रदेश सभा “क” मा ११ जना र “ख” मा १२ जनाको उमेद्वारी कायम रहेको छ ।

गठबन्धन अन्तर्गत माओवादीका बागी उमेद्वारहरुले आफ्नो उमेद्वारी फिर्ता लिएको भएपनि काँग्रेसका वागि उमेद्वार र समाजवादीका उमेद्वारहरु कायमै रहेका छन् ।